Ortalyq kommunikasiialar qyzmetınde Prezident Nūrsūltan Nazarbaevtyŋ «Nūrly jol» – bolaşaqqa bastar jol» Joldauyn aqparattyq-tüsındıru maqsatynda brifing öttı. Onda «Astana EKSPO – 2017» ŪK AQ Basqaruşy direktory Saltanat Rahymbekova EKSPO halyqaralyq körmesın nasihattau maqsatynda jariialanǧan «Energetika chempiony» baiqauy aldaǧy uaqytta öz jalǧasyn tabatyndyǧyn aitty.
«Bız 2017 jylǧy EKSPO körmesıne öz otandastarymyzdyŋ arasynan şyqqan önertapqyştardyŋ innovasiialyq jobalaryn qosu maqsatynda osyndai baiqau jariialadyq. Bırneşe ret ūiymdastyrylǧan kezeŋdık ırıkteulerde jeŋımpaz dep tanylǧan üzdık tuyndylar «Astana EKSPO-2017» körmesınıŋ Halyqaralyq sarapşylar qauymynyŋ nazaryna ūsynylady. Būlar sondai-aq, atalmyş körme alaŋynyŋ «Halyqaralyq praktikter» pavilonyna qoiylatyn bolady. Al el ışınen önertapqyştardy tabu men olardyŋ töl tuyndylarynyŋ patentteluıne jäne jüzege asyryluyna, tıptı, qarjylandyryluyna da qolymyzdan kelgenşe kömektesetın bolamyz», – dedı ol.
Ol sondai-aq, elımızdıŋ eptı käsıpkerlerın EKSPO-2017 jobalaryna belsendırek qatysuǧa şaqyrdy. «Biznestı osy halyqaralyq körmege belsendı qatystyru – Qazaqstan Prezidentınıŋ tapsyrmasy. Sondyqtan elımızdıŋ biznesı «EKSPO-2017» şaralaryna qūrylys materialdary men tehnologiialardy jetkızumen qatar, qyzmet körsetu, infraqūrylymdy damytu baǧyttarynda da qatysa alady» dedı. EKSPO-2017 keşenı qūrylysyn jalǧastyruǧa bölıngen 25 mlrd teŋgege Elbasynyŋ tapsyrmasy boiynşa aldaǧy jyly qosymşa 40 mlrd teŋge beru josparlanǧanyn eske salyp ötken ol, būl qarjy «Bäiterek» AQ arqyly jobalardy nesielendıruge baǧyttalatynyn jetkızdı.
