Elordamyz batyr analar qalasyna ainalyp keledı. Audandyq äkımdıkterde el demografiiasyn damytuǧa qosqan ülesterı üşın jiyrma äiel marapattalyp, «Altyn alqa» jäne «Kümıs alqa» qūrmet belgılerıne ie boldy.
Qūrmettı tösbelgıge ie bolǧan analardyŋ 13-ı Almaty audanynda tūrady. Sonyŋ ışınde 11-ı – kümıs, 2-euı altyn alqa alyp otyr. «Batyr analarymyzdy maqtan etemız, olar qūrmetke laiyq, öitkenı alty jäne odan artyq balany tärbielep, ösıru – ülken jauapkerşılık jäne auyr mındet» deidı Almaty audany äkımı apparatynyŋ basşysy Ǧalymjan Sämetov nagradalardy tabystau sätınde.
Saryarqa audanynda da 7 batyr ana marapattaldy. Bıreuı altyn alqa alsa, altauy kümıs alqa taqty. Aldaǧy uaqytta sol jaǧalauda tūratyn 5 köpbalaly ana da marapattalatyn bolady.
Bügınge deiın taǧy 77 äiel köpbalaly ana retınde «Altyn alqa» jäne «Kümıs alqa» qūrmet belgılerıne ie bolǧan bolatyn. Būl batyr analardyŋ 42-sı – Almaty audanynyŋ tūrǧyndary. Olardyŋ 14-ı «Altyn alqa» ielerı bolsa, 30-y «Kümıs alqa» alǧan. Esıl audanynda da 4 altyn, 5 kümıs alqa iegerı tūrady.
Sondai-aq, Saryarqa audanynda tūratyn batyr analarymyzdyŋ sany da 26-ǧa jetıp otyr. Atalmyş audandaǧy «Altyn alqa» alǧandardyŋ sany altau bolsa, qalǧan jiyrmasy – «Kümıs alqaly». Osylaişa Astana qalasynda jyl basynan berı 100-ge juyq äiel batyr ana atandy.
Astanada elımızdıŋ demografiiasyna eleulı üles qosqan analarǧa erekşe qūrmet körsetıledı. Äleumettık baǧdarlamalardy jüzege asyru aiasynda köpbalaly analar men olardyŋ otbasylary ūdaiy jan-jaqty memlekettık qoldauǧa ie bolyp keledı.
Bürkıt NŪRASYL
