ÄleumetJaŋalyqtarQoǧam

Baspaldaqqa şyǧa almai mügedek tūr…

Astana qalalyq mäslihatynyŋ Äleumettık-mädeni damu mäselelerı jönındegı tūraqty komissiianyŋ otyrysynda mümkındıgı şekteulı adamdardyŋ äleumettık nysandar men kölık infraqūrylymyna qoljetımdılıgı qaraldy. Atalmyş mäsele turaly qalalyq Jūmyspen qamtu, eŋbek jäne äleumettık qorǧau basqarmasy basşysynyŋ orynbasary Säule Nūrǧojina baiandama jasady.

pandus

Onyŋ aituynşa, 2012-2016 jyldar aralyǧynda elordada 365 nysanǧa pasport berıldı. Al ötken jyly äleumettık nysandar jäne kölık infraqūrylymy mümkındıgı şekteulı jandarǧa 55,9 paiyzǧa qoljetımdı boldy.
Biylǧy aqpan aiynda Astana äkımdıgı qalalyq prokuraturamen bırıgıp, mügedekterge äleumettık nysandar men kölık infraqūrylymynyŋ qoljetımdılıgıne qatysty jol kartasyn äzırledı. Būǧan qala basqarmalary jauapty bolyp taǧaiyndaldy. Iаǧni, dene şynyqtyru jäne sport basqarmasy sporttyq nysandarǧa, mädeniet, mūraǧat jäne qūjattamalar basqarmasy özderıne qarasty 20 mädeni oşaqqa, densaulyq saqtau basqarmasy 43 emdeu nysanyna, Bılım basqarmasy 197 bılım beru mekemesıne mügedekterdıŋ kedergısız kıruıne jauap beredı.
Jalpy alǧanda Astanada pasporttauǧa jatatyn nysandardyŋ sany – 1106. Biyl olardyŋ 705-sı pasporttaluy tiıs. Alaida 774 nysandy mümkındıgı şekteulı jandarǧa beiımdeu qajet. Sonyŋ ışınde biyl jergılıktı biudjetten mädeni oşaqtardy beiımdeuge 33,5 mln teŋge bölındı. Sport nysandaryna, bılım beru nysandaryna da tiıstı qarjy bölıngen.
«Dene şynyqtyru jäne sport basqarmasynyŋ jūmysyn atap ötuge tiıstımız. Olar aǧymdaǧy jyldyŋ 1 mausymyna deiın barlyq sporttyq nysandaryn beiımdeimız dep uäde berıp otyr» deidı Säule Nūrǧojina.
Onyŋ aituynşa, Jolauşylar kölıgı jäne avtomobil joldary basqarmasy kölık infraqūrylymyn da beiımdeuge şara qoldanyp otyr. Mäselen, 1020 avtobustyŋ 609-y arbamen jüretın mügedekter kedergısız mınıp tüsu üşın qūralmen jabdyqtaldy.
Jalpy biyl äleumettık nysandardyŋ mümkındıgı şekteulı jandarǧa qoljetımdılıgın 70 paiyz­ǧa jetkızu josparlanuda. Sol maqsatta ötken säuır aiynda «Rixos President Astana» qonaq üiı men «Jūmbaqtas» qonaq üi keşenınde säikes jūmystar jürgızıldı. Alda «Gippokrat» därıhanalar jüie­sı men «Piala» dämhanasy, «Duman» oiyn-sauyq ortalyǧy jäne t.b. nysandar mügedekterge beiımdelmek.
Alaida «EKSPO-2017» nysandary mümkındıgı şekteulı jandarǧa jartylai ǧana qoljetımdı bolyp otyr.
Būdan keiın baiandama jasaǧan Astana qalasy boiynşa Eŋbek, äleumettık qorǧau jäne köşı-qon departamentı basşysynyŋ mındetın atqaruşy Oral Mūqiiaev memlekettık baqylaudyŋ qorytyndysynda byltyr nysandarǧa kedergısız kırıp-şyǧuǧa qatysty 16 tekseru sonyŋ ışınde 8 kezekten tys tekseru jürgızılıp, nysan ielerıne 1,3 mln teŋgeden astam somaǧa aiyppūl salynǧanyn jetkızdı.

Amanǧali QALJANOV

Taǧyda

Ūqsas jaŋalyqtar

Pıkır üsteu

Back to top button