El tynysy

Baspanaǧa mūqtaj jastar köp



Jastar – qoǧamnyŋ qozǧauşy küşı, elımızdıŋ erteŋı. Olarǧa jan-jaqty qoldau körsetu – memleket mındetterınıŋ basym baǧytynyŋ bırı.

Eldegı oqiǧalardyŋ bel ortasynda jastar jür. Elımızde oryn alǧan tötenşe jaǧdailarda töbe körsetetın de jastar, qoldauşylar da jastar. Al bızde Ükımet tarapynan olarǧa tiıstı deŋgeide köŋıl bölınıp jatyr ma? Eŋ basty qajettılık – baspana mäselesı şeşımın tappai otyr.

Jyry basylmaǧan jastarǧa berılgen jaldamaly päter jaiynda Roman Vasilevichke Skliarǧa deputattyq saual joldaǧanmyn. «Jastardy tūrǧyn üimen qamtamasyz etu mäselesı Ükımettıŋ baqylauynda» dep qysqa qaiyrǧan. Jastardyŋ talap-tılegın naqty şeşım men äreket jasaidy degen nietpen mäselenı qaita qozǧap otyrmyn.

2019 jyldan berı Astana, Almaty, Şymkent qalalarynda jaldamaly päterge ornyqqan jastardyŋ sany 10000-ǧa juyqtady. 2019 jyly baspana alǧan jastardyŋ baspanany bosatuyna az uaqyt qaldy. Bügınde megapolisterdegı jastardyŋ dalada qalu qaupı joǧary. Taǧy bır qosarym, ötken jyly berıluı kerek bolǧan päterler Almaty qalasynyŋ jastaryna älı berılmedı. Naqty tızım, nätije şyqpady.

Jaldamaly päter alǧan jastardyŋ qarjy jinap, öz baspanasyn ala almaudyŋ özındık sebebı bar. 2019 jyldan berı infliasiia deŋgeiı şaryqtap, üi baǧasy jyldan-jylǧa östı. Osydan 5 jyl būryn respublika bo­iynşa päterdıŋ ortaşa şarşy metrı 200 myŋ teŋge bolsa, qazır 400 myŋ teŋgege juyqtady. Iаǧni 2 ese östı. Şyndyqqa tura qarasaq, baspanaǧa qarjy jinaudan görı qymbatşylyq qyspaqqa alyp, künkörıs mäselesı aldyŋǧy orynǧa şyqty. Būl – bır. Ekınşıden, elde jastarǧa arnalǧan tiımdı memlekettık baǧdarlama joq. Elde tiımdı baǧdarlamanyŋ joǧynan jastar baspana alu üşın şetel asyp jūmys ısteuge mäjbür. Kelmei, sol jaqta qalǧany qanşama. Būl elımızde daryndy, talantty jastardyŋ ­azaiuyna alyp kelude. Üşınşıden, jaldamaly päter alǧan jastar özge memlekettık baǧdarlamalar men üi kezegınde tūru mümkındıgınen aiyrylǧan. Aqşasyn jinap, tüiıp otyrǧan jastar basqa baǧdarlamaǧa qatysa almasa qalai baspanaly bolmaq?!

«Bız qarapaiym eŋbek adamyna qūrmet körsetuımız kerek» dep Prezidentımız ­Qasym-Jomart Kemelūly aitqandai, eŋbek adamynyŋ negızgı bastauy osy jūmysşy jastar emes pe?! Jūmysşy jastarǧa qoldau körsetsek, osyndai azamattar erteŋ elımızdıŋ damuyna zor üles qosady.

Osy aitylǧan faktorlardy eskere otyryp, jastardyŋ tiımdı baspana aluyna jaǧdai jasau jäne kemı 10 paiyz bastapqy jarnamen özderı tūryp jatqan baspanasyn satyp aluǧa mümkındık beru mäselesı şeşımın tapsa eken deimın. Paiyz mölşerlemesı de 5 paiyzdan aspauy tiıs nemese jaldamaly päterde tūru merzımın ūzartu kerek.

Däulet Mūqaev,

Mäjılıs deputaty

 


Taǧyda

admin

«Astana aqşamy» gazetı

Ūqsas jaŋalyqtar

Back to top button