Qazaqstan ǧasyrlar boiy jinaqtalǧan adamgerşılıktıŋ tegeurındı talaptaryn adamzatqa jetkızuge bailanysty jauapty missiiany öz mındetıne aldy. Dınder men halyqtar arasyndaǧy özara tüsınuşılıktıŋ qalyptasu mümkındıgın jasauda astanalyq sezdıŋ maŋyzy zor.
Qazaqstan Prezidentınıŋ bastamasy boiynşa ūiymdastyrylǧan Älemdık jäne dästürlı dınder köşbasşylarynyŋ sezı qazırgı zamanǧy dınder arasyndaǧy jahandyq abyroily sūhbattyŋ tabiǧi jäne ıskerlık körınısı boldy. Būǧan deiın üş sezd öttı. Mūndai maŋyzdy şarany joǧary deŋgeide ötkıze bılgen Qazaqstanǧa bırneşe elden kelgen dıni ūiymdardyŋ basşylary şynaiy rizaşylyǧyn bıldırdı. Halyqtar men dıni közqarastardy jaqyndastyruǧa, sol arqyly beibıtşılık qūndylyqtaryn qalyptastyruǧa jasaǧan qadamy üşın älemdık qauymdastyq Qazaqstanǧa joǧary baǧa berdı.
Jaŋa HHI ǧasyrda ūltaralyq kelısım men dınder arasyndaǧy ünqatysudyŋ ülgısı elordamyzdan bastau alyp otyr. Astanadaǧy Beibıtşılık jäne kelısım saraiy naǧyz ruhani ortalyqqa ainaldy.
Ortalyq beibıtşılık, kelısım jäne ädıldıktıŋ intellektualdy zerthanasy boluy qajet. «Ol sezdıŋ barlyq qatysuşylaryn jaŋa ideialarmen jäne ūsynystarmen tolyqtyratyn qūrylym boluy qajet»,– dep Astana sezıne bastamaşy bolǧan, Halyqaralyq mädeni jäne dıni ortalyqty qūru ideiasynyŋ avtory – Qazaqstan Respublikasynyŋ Prezidentı Nūrsūltan Äbışūly Nazarbaev aitqan bolatyn.
Elımız älemde beibıtşılık ornauy üşın, atap aitqanda, qauıpsızdık, yntymaqtastyq, özara syilastyq, teŋdık, ädıldık, tözımdılık, ruhani-adamgerşılık bastaularyn igeru qaǧidattaryn ūsynyp otyr.
Erteŋ aşylǧaly otyrǧan Älemdık jäne dästürlı dınder köşbasşylarynyŋ törtınşı sezıne daiyndyqty jürgızu mındetı Hatşylyqtyŋ H otyrysynda sarapqa salyndy. Hatşylyq otyrysynda Dıni köşbasşylar keŋesınıŋ tūjyrymdama jobasy bekıtıldı.
Älemdık jäne dästürlı dınder köşbasşylary forumynyŋ Qazaqstannyŋ elordasy – Astanada ötkızıluınıŋ özı kezdeisoqtyq emes.
Elımızde jüzden astam ūlt ökılderı tūrady jäne barlyq dın ökılderıne özderınıŋ taŋdauy boiynşa qūlşylyq etuıne mümkındık berılgen.
Ūlystar arasyndaǧy kelısımdı saqtauda qazaqstandyq täjıribe öte qūndylyǧymen erekşelenedı.
Şynymen de, konfessiiaaralyq kelısım fenomenı nesımen qūndy?
Bırınşıden, būl ǧasyrlardan kele jatqan halyqtar dostyǧynan bastau alady, al endı, bügıngı qoǧamda Qazaqstan halqynyŋ dostyǧymen jalǧasyn tauyp otyr.
Ekınşıden, būl – ūltaralyq qatynastar salasyndaǧy Elbasymyz N.Nazarbaevtyŋ basşylyǧymen jüzege asyrylyp jatqan memlekettık saiasat.
Qazaqstan – negızınen dästürlı İslam, Hristian jäne basqa ejelgı dınder özara tatulyqta örken jaiǧan el. Konfessiiaaralyq kelısım qaǧidattarynyŋ bırı ärbır adamnyŋ öz dının taŋdauǧa qūrmetpen qarau bolyp tabylady.
Adamdardyŋ bır-bırıne degen syilastyq sezımı bırden bola qalatyn prosess emes, ol köp jyldardy qajet etedı. Mūnda qazaqtardyŋ mentalitetı, Qazaqstan halqynyŋ bırlıgıne degen ūmtylysynyŋ rölı zor.
Elımızdıŋ ösıp-örkendeuı üşın Qazaqstannyŋ ärbır azamaty, kez-kelgen ūlt ökılı tūraqtylyqtyŋ belgısı retınde özınıŋ ana tılın qūrmettei otyryp, qazaqtyŋ tılın, salt-dästürın bıluı qajet dep sanaimyn.
Bız – Qazaqstannyŋ patriotymyz. Sondyqtan, beibıtşılık pen kelısımge degen özımızdıŋ ynta-jıgerımızdı jastardyŋ boiyna darytuymyz qajet. Būl bızdıŋ öte jauapty azamattyq ūstanymymyz ben boryşymyz!
Egor KAPPEL,
QR Parlamentı Mäjılısınıŋ deputaty, Qazaqstan halqy Assambleiasynyŋ müşesı
