BİLETSIZ JOLAUŞY – BIýDJETTIŊ SORY
Elordada qoǧamdyq kölıkterde jol jüru aqysy öskenımen, qyzmet körsetu sapasy jaqsardy ma? Avtobustardyŋ jüru jiılıgın arttyru jaiy qalai? Mıne, osy mäseleler köpşılıktı tolǧandyratyny jasyryn emes. Öitkenı, qala halqynyŋ jartysyna juyǧy qoǧamdyq kölıktermen jüredı. Sondyqtan, kün saiyn baǧyttaǧy avtobustardy tekserıp otyratyn baqylau-jelılık qyzmetı ıske qosylǧan.
Rasy kerek, jolaqyny alyp, bilet bermeitın konduktorlar da bar. Al, bilet berılmei alynǧan jolaqy avtoparkterdıŋ biudjetıne kerı äserın tigızedı. Sonyŋ saldarynan kırıstıŋ tömendeuı, salyq salu bazasynyŋ azaiuy siiaqty keleŋsızdıkter köbeiedı. Tasymaldauşylar äleuettı tabysyn tolyq ala almaidy.
Endı, mıne, elordalyq tasymaldauşylar osy mäselelerge basqa qyrynan kelıp, aiyryqşa aksiia ūiymdastyrmaq. Barlyq qalalyq jolauşylar avtobustarynda «Konduktor bilet bermedı me? Bilet bermese, onda tegın jol jürgenıŋ» degen plakattar jazylady. Mūndai aksiia ötkızudıŋ mänı – konduktorlardy mındetterın adal atqaruǧa ündeu. Taǧy bır aita ketetın jäit, baqylau-jelılık qyzmetınıŋ kezektı tekseruı barysynda biletsız jolauşynyŋ jauapkerşılıgı konduktorǧa ǧana jükteledı. Ūiymdastyruşylar aksiia ıs-şarasy öz paidasyn közdeitın konduktorlarǧa sabaq bolyp, jalpy jolauşylardyŋ azamattyq jauapkerşılıgın arttyruǧa yqpal etetındıgın aitady.
Jūma ǦAZİEV