Jaŋalyqtar

Bırlıgı jarasqan elmız

Qazırgı taŋda elımız ekonomikasy nyq, äleumettık-saiasi jaǧdaiy tūraqtalǧan aldyŋǧy 50 damyǧan memlekettıŋ qataryna kırgelı otyrǧanyn barlyǧymyz jaqsy bılemız. Būl degenımız – «Qazaqstan-2030» strategiiasyn mezgılınen būryn oryndaǧanymyzdyŋ belgısı.

Elbasy Nūrsūltan Nazar­bae­­v­­­­­­­­tyŋ­­ Qa­­zaqstan halqyna Jol­­da­uyn­­da,­ jaŋa damyǧan, ör­ken­de­gen bola­­şaq­­qa jeteleitın maŋyzdy qūjat – «Qa­­zaq­­stan-2050» strategiia­sy ūsy­­nyl­­dy. Halyqtyŋ äl-auqaty, tūr­mys­tyq jaǧdaiy, ruhani bailyǧy tek osyndai ülken josparlardy qūryp, soǧan degen talpynystyŋ nätijesınen ǧana bola alady. Elbasymyzdyŋ kemeŋger saiasaty men halyqtyŋ auyzbırşılıgınıŋ, naqty qoiylǧan maqsattar men mındetterdıŋ arqasynda «Qazaqstan-2030» strategiiasyn on bes jyldyŋ ışınde jüzege asyrdyq. Būl strategiianyŋ jüzege asuyna Qazaqstannyŋ är azamatynyŋ özındık ülesı zor. «Elu jylda – el jaŋa» demekşı, bızdıŋ elımız jiyrma jylda keremet tabystarǧa jettı.

«Qazaq älsırese – alauyzdyqtan älsı­­regen, küşeise – bırlıkpen kü­­şei­­gen» dep, aşy bolsa da, şyndyqty ait­­qan Elbasy, barlyǧymyzdy bırlıkke, dos­­tyq­­qa, yntymaqqa şaqyrady. Eger bız­­dı älsıretetın syrtqy jäne ışkı fak­­tor­­lar­­ǧa berıletın bolsaq, qanşa tökken maŋdai terımız zaia ketedı. El bolyp bır jaǧadan – bas, bır jeŋnen – qol şyǧara alatyn bolsaq qana, qandai da bolmasyn faktorlar bızge äserın tigıze almaityny aidan anyq. Kündelıktı bolyp jatqan syrt elderdegı oqiǧalardy mysal etuge bolady, qantögıs, tūraq­syz­­dyq saldarynan qanşama elderdıŋ qūrdymǧa ketıp bara jatqanyn körıp jürmız. Sondyqtan, barlyǧymyz bır jıpten ūstaityn bolsaq, älı talai belesterdı, şyŋdardy baǧyndyrarmyz.

«Qazaqstan ekonomikasyndaǧy şaǧyn jäne orta biznes ülesı 2030 jylǧa qarai ekı ese ösuı tiıs. Al, 2050 jylǧa qarai būl sektor basymdyqty bolady» dep atap öttı öz Joldauynda Mem­­leket basşysy. Rasynda da, el eko­­­­nomikasynyŋ tūraqtanuynyŋ bır­­den-bır sebebı – şaǧyn jäne orta biznestıŋ damuy. Ärbır damyǧan eldı qarasaq, el ekonomikasyn ūstap tūr­­ǧan şaǧyn jäne orta biznes bolyp ta­­­­­bylady. Qazırgı uaqytta biznestı da­­mytu üşın memleket tarapynan köp­­tegen kömek körsetılıp jatyr, bızge tek qoryqpai alǧa ūmtylu kerek, sonda ǧa­­na jetıstıkke jetemız.

Barlyq ūlt ökılderımen tıl tabysyp, beibıtşılık pen kelısımde ömır süru barşa qazaqstandyqtyŋ basty qaǧidaty boluy şart. Būl turaly N.Nazarbaev jiı aitady. Bügınde qazaqtardyŋ bauyrmal, qonaqjai halyq ekenın barlyq el mo-iyndap otyr. Bız osy qasietterımızden aiyrylyp qalmauymyz kerek. Köp ūltty memleket bola tūra, bırlıgımız jarasqan elmız. Barlyq ūlttarmen tatu-tättı ömır sürsek qana basqa elderden tūǧyrymyz biık bolady, dostyq qarym-qatynasymyz odan ärı jaqsaratyny anyq.

Timur ORAZAQOV,
Astana qalasy mäslihatynyŋ
deputaty

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button