Basty aqparat

Birjada alǧaşqy sauda-sattyq bastaldy

Memleket basşysy Nūrsūltan Nazarbaev «Astana» halyqaralyq qarjy ortalyǧy birjasyndaǧy alǧaşqy sauda-sattyqty bastau räsımıne qatysty.

Elbasy saltanatty räsımde söilegen sözınde būl şaranyŋ ūlttyq valiutamyz – teŋgenıŋ 25 jyldyq mereitoiy qarsaŋynda ötuınıŋ simvoldyq mänı zor ekenın aitty. ­Nūrsūltan ­Nazarbaev töl teŋgemızdı engızu öz qarjy jüiemızdı qalyptastyryp, memleketımızdıŋ ekonomikalyq derbestıgın qamtamasyz etuge mümkındık bergenın atap öttı.
– Sodan berı Qazaqstan ekonomikasy edäuır ösıp, halyqtyŋ tūrmys-deŋgeiı de artty. Auqymdy reformalar jürgızılıp jatyr. «Astana» halyqaralyq qarjy ortalyǧynyŋ ıske qosyluy – elımızdı odan ärı ornyqty damytudyŋ maŋyzdy qadamy, – dedı Elbasy.
Prezident räsımge qatysuşylarǧa älemdık uran naryǧynyŋ 20 paiyzǧa juyǧyn qamtityn «Qazatomönerkäsıp» ūlttyq kompaniiasy bügın IRO-ǧa alǧaş ret şyǧyp otyrǧanyn aitty.
– Keleşekte bız «Qazaqtelekom», «Eir Astana», «Qazmūnaigaz» jäne özge de ūlttyq kompaniialardyŋ aktivterın satylymǧa şyǧarudy josparlap otyr­myz. «Astana» halyqaralyq qarjy ortalyǧy elımızge şet elderdıŋ kapitalyn tartudyŋ qūralyna ainalyp, qor naryǧyn damytudyŋ jaŋa deŋgeiıne şyǧaruǧa tiıs. Mūnda älemnıŋ üzdık täjıribelerı jappai qoldanylyp, täjıribelı serıktester men sarapşylar tartylǧan, sondai-aq onyŋ jūmysyna qatysuşylar üşın teŋdessız jaǧdailar jasalǧan, – dedı Memleket basşysy.
Nūrsūltan Nazarbaev keleşekte «Astana» halyqaralyq qarjy ortalyǧy öŋırdıŋ basty qarjy habyna ainalyp, Aziianyŋ üzdık qarjy ortalyqtarynyŋ qataryna qosyluǧa tiıs ekenın atap öttı.
– Qarjy ortalyǧy qazırdıŋ özınde elordamyzǧa «qarjy astanasy» degen jaŋa märtebe berdı. Jahandyq qarjy ortalyqtarynyŋ reitingınde bas qalamyz tek soŋǧy jyldyŋ özınde 27 satyǧa köterıldı. Astana tūrǧyndar men elorda qonaqtary üşın meilınşe qolaily jaǧdai jasalatyn «aqyldy qala» retınde odan ärı dami beredı, – dedı Elbasy.
Soŋynda Qazaqstan Prezidentı memleketımızdıŋ barlyq bastamalary halqymyzdyŋ äl-auqaty men elımızdıŋ jahandyq bäsekege qabılettılıgın arttyruǧa baǧyttalǧanyn aitty.

 

Taǧyda

Ūqsas jaŋalyqtar

Pıkır üsteu

Back to top button