Jaŋalyqtar

Bızge bıreudıkı kerek emes

Ömırden bır mysal: keşe taksige otyryp, jūmysqa kele jatyr edık. Jürgızuşı kölıgıne bır mezgılde üş bırdei jolauşyny otyrǧyzdy. Saryarqa daŋǧylyndaǧy kölık keptelısıne kelgende, ol söz bastady. Sondaǧy äŋgımesınıŋ siqy mynau: «Osy keptelıs jol polisiiasy qyzmetkerlerınıŋ kesırınen bolady. Jol sıltep, ūiyqtap tūratyny nesı? Şetelde mūndai atymen joq. Mūndaidy tek bızdıŋ elde ǧana köruge bolady…». 

Älgınıŋ «äŋgımesın» tyŋdauǧa eşkımnıŋ nietı joq edı. Ol bolsa, «kım qosylyp jamandar eken» degendei türmen bızge qarady. Qoldau tappaǧan soŋ, äŋgımenıŋ auanyn basqaǧa būrdy. Aitaiyn degenım, qazırgı qoǧamda özınıkınen görı, özgenıkın ülgı tūtatyn azamattar qatary köbeiıp barady. Özıŋdegıge köŋılı tolmai, özgenı qalaidy. Özınıkın dattaidy, al, basqany maqtaidy. Özınde barǧa qanaǧat etpeidı. Äŋgıme osynda.

Şetelde keptelıs joq degendı älemnıŋ barlyq qalasyn aralap şyǧyp aitsa, bır särı. Körşı tūrǧan Mäskeudıŋ keptelısı turaly aitylyp kele jatqanyna bırneşe jyldyŋ jüzı boldy. Tıptı, Mäskeudıŋ merı auysqan saiyn halyq häm bilık tarapynan qoiylatyn №1 mındet – keptelıstı joiu. Sol siiaqty, ırgetasy jüzdegen jyl būryn qalanǧan Stambul, Varşava qalalary älem boiynşa keptelıstıŋ basynda tūr. Astananıkı onyŋ qasynda änşeiın! Jūrttyŋ jiyrma minut tūrǧanǧa jany şyǧyp kete jazdaidy. Onysyn da tüsınuge bolar. Bıraq, asyqtym eken dep, basqaǧa tiısıp, keketuge bola ma eken?

Jūmysymyzǧa asyǧyp bara jatsaq ta, bızdıŋ būlai naluymyzǧa türtkı bolǧan keptelısten būryn älgı jürgızuşınıŋ äreketı boldy. Bıreudıŋ ısıne qyzǧanyp qaraityndai, qoldan ıs kelmeitındei, qazaq qor emes qoi. Basqa elde keptelıs joq eken dep, öz elıŋdı jek köru kerek emes. Sebebı, qazaqtyŋ elı de, jerı de – osy!

Ainūr ŞOŞAEVA,
a.shoshaeva@astana-akshamy.kz

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button