Elorda tynysy

Biznestı damytu jaiy talqylandy

Astana qalasynyŋ äkımı Jeŋıs ­Qasymbek pen «Atameken» ŪKP töralqasynyŋ töraǧasy Raiymbek Batalov käsıpkerlermen kezdes­tı. Oǧan salalyq qauymdastyqtar, qūqyq qorǧau jäne qadaǧalau organdary, «Atameken» käsıpkerler palatasynyŋ ökılderı jäne taǧy basqasy qatysty.

Prezident Qasym-­Jomart Toqaev VIII sailanǧan Parlamenttıŋ bırınşı sessiiasynyŋ aşyluynda şaǧyn jäne orta biznestı damytudy basymdyq etudı tapsyrdy. Mūny sapaly jüzege asyruda elordanyŋ injenerlık infraqūrylymyn damytu maŋyzdy. Äsırese, äleumettık nysandar (qoljetımdı jeŋıldıktı tūrǧyn üi, mektepter, medisinalyq nysandar, balabaqşalar jäne t.b.) salu, internettıŋ qoljetımdılıgı men sapasy, jer qatynastary salasy, aqyly tūraq oryndary boiynşa MJÄ jobasyna özgerıster engızu jäne t.b. mäseleler köterıldı.

«Astanada 209 myŋnan astam käsıpkerlık subektı jūmys ısteidı. Biznes 460 myŋ adamdy jūmys oryndarymen qamtamasyz etedı, būl – elordanyŋ ekonomikalyq belsendı halqynyŋ 71 paiyzy. Bız käsıpkerlerge jüielı qoldau körsetuge mümkındık beretın bırqatar şara qabyldadyq: AEA jäne İndustriialyq park aumaǧynda preferensiialar, türlı baǧdarlamalar boiynşa granttar men kreditter berıledı, «Astana Invest» investorlaryna arnalǧan front-ofis jūmys ısteidı, injenerlık jelılerdı jürgızuge, qajettı infraqūrylymdy qūruǧa kömek körsetıledı. Bıraq būl da jetkılıksız. «Atameken» Ūlttyq palatasymen bırlesıp qosymşa qoldau şaralaryn jasaimyz, onyŋ ışınde biurokratiialyq kıdırıster men kedergılerdı joiu ısın jalǧastyramyz» dedı äkım Jeŋıs Qasymbek.

«Atameken» QR ŪKP töralqasynyŋ töraǧasy Raiymbek Batalov jobalardy ıske asyruǧa bırınşı kezekte otandyq käsıpkerler senuı kerek ekenın atap öttı. Äsırese, eger joba biudjet qarajatynan qarjylandyrylar bolsa.

Mysaly, käsıpkerler otandyq tauar öndıruşılerdıŋ «Jaily mektep» jobasyna qatysu mäselesın köterdı. Biznesmenderdıŋ aituynşa, joba operatory – «Samruk-Kazyna Construction» AQ jetkızuşılerdı ırıkteu boiynşa konkurstardyŋ aşyqtyǧy arqyly tauarlar men qyzmetterdı satyp alu boiynşa konkurstarǧa qatysu üşın teŋ jaǧdailar men mümkındıkterdı qamtamasyz etuı tiıs. Būdan basqa elordalyq öndıruşıler offtake-qazaqstandyq öndıruşılermen aldyn ala kelısımşarttar jasasu arqyly önımnıŋ kepıldı ötkızu kölemın qamtamasyz etuge mümkındık beredı dep sanaidy.

Qazırgı uaqytta «Atameken» QR ŪKP-da otandyq tauar öndıruşılerdıŋ tızılımı qalyptastyryldy, olar keiınnen merdıger ūiymdarǧa ūsynu üşın «Samruk-Kazyna Construction» AQ-ǧa berıldı.

Ūlttyq palata basşysy Raiymbek Batalov käsıpkerlıktı damytudyŋ keşendı jospary turaly aityp, şaǧyn biznes blogyna jäne orta biznes problemalaryna erekşe nazar audardy.

«Memleket basşysy naqty industriialandyru, öndırıstı oqşaulau, infraqūrylymdy jaŋǧyrtumen ainalysuymyz kerek. Biudjetten qarjylandyrylatyn jobalardy bırınşı kezekte otandyq käsıpkerler ıske asyruy tiıs. Bız üşın būl öte maŋyzdy joldau jäne bız būl jospardy ıske asyratynymyzǧa senımdımın jäne būl keşendı tiımdı baǧdarlama barlyǧymyz­ǧa, sonyŋ ışınde şaǧyn jäne orta bizneske öz portfelımızde bar jobalardy ıske asyruǧa mümkındık beredı» dep atap öttı ­Raiymbek Batalov.

Kezdesu barysynda jergılıktı atqaruşy organdarmen jūmys Öŋırlık käsıpkerler palatalarynyŋ qūrylǧan salalyq komitetterımen tyǧyz özara ıs-qimyl arqyly qūrylǧany atap ötıldı. Mūndai kezdesuler «Atameken» alaŋynda tūraqty türde ötkızıletın bolady.

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button