Şevron kompaniiasynyŋ qoldauymen Astana qalalyq Balalar körkemsuret mektebı Elbasy kıtaphanasy ǧimaratynda «Bolaşaq Qazaqstannyŋ energiiasy» balalar şyǧarmaşylyǧy körmesın ötkızıp, osy taqyrypta ötkızılgen Respublikalyq saiystyŋ jeŋımpazdaryn marapattady.
Aty aityp tūrǧandai, būl saiys «EKSPO-2017» halyqaralyq mamandandyrylǧan körmesınıŋ aşyluyna orai ūiymdastyryldy. Saiys balalarǧa qorşaǧan ortany qorǧau, ekologiialyq mädenietke tärbieleu jäne öskeleŋ ūrpaqtyŋ arasynda beineleu önerın nasihattap, şyǧarmaşylyq qabıletterın arttyru maqsatynda öttı.
Körmege 12-16 jas aralyǧyndaǧy elımızdıŋ tükpır-tükpırınen saiysqa qatysqan oquşylardyŋ eŋ üzdık 100-den astam jūmysy qoiyldy. Baiqauǧa respublika boiynşa 17 körkemöner ūiymdarynyŋ şäkırtterı men Astana qalalyq balalar üiınıŋ tärbielenuşılerı qatysty. Saiysqa tüsken jūmystarǧa Suretşıler odaǧy, öner qairatkerlerı jäne QR eŋbegı sıŋgen suretşılerden qūralǧan käsıbi qazylar alqasy törelık ettı.
Baiqaudyŋ tört künınde de Astana qalalyq IýNESKO kluby – Balalar körkemsuret mektebı qyzmetkerlerınıŋ daiyndaǧan tanymdyq jäne oiyn-sauyq baǧdarlamasy joǧary deŋgeide jürdı. EKSPO-nyŋ qarsaŋynda elordany köruge, tanymal suretşılermen kezdesuge, ärtürlı şeberlık synyptaryna qatysuǧa mümkındık alǧan jas suretşılerdıŋ quanyştarynda şek joq. Aita ketu kerek, suret konkursy ötkızılgen uaqytta «Bolaşaq Qazaqstannyŋ energiiasy» şyǧarmaşylyq saiysynyŋ jeŋımpazdary üşın beineleu önerı, sändık-qoldanbaly öner, keramika jäne müsındeu önerlerı boiynşa şeberlık synyptary da ötkızıldı. Būǧan qosa, balalar üşın Qazaqstan Respublikasy Tūŋǧyş Prezidentı – Elbasy kıtaphanasynda, Qazaqstan Respublikasynyŋ Ūlttyq muzeiınde ekskursiialar jürgızılıp, qūndy aqparattar alu mümkındıgıne ie boldy. Arnaiy Balalardy qorǧau künıne Almaty qalasynan käsıbi kinologtar toby kelıp, muzei ǧimaratynyŋ aldyndaǧy alaŋda körnekı baǧdarlamasyn paş ettı.
Estelıkke toly keremet konkurstyŋ nätijesınde 12-14 jas aralyǧy boiynşa bas jüldenı astanalyq Alina Utaeva alsa, 15-16 jas aralyǧy boiynşa aqtöbelık Diana Ötetıleuova jeŋıske jettı.
Güljan RAHMAN
