Nazarbaev ortalyǧynda «Bolaşaq» qory «Menıŋ ainalamdaǧy älemım – menıŋ şyǧarmaşylyq ömırım» atty II respublikalyq körkemöner tuyndylarynyŋ baiqau qorytyndysyn şyǧardy.
Qor 2010 jyldan bastap «Qūlanşy» qazırgı zamanǧy Öner ortalyǧy jäne «IýNESKO» balalar körkemsuret mektebınıŋ qoldauymen balalar üilerı tärbielenuşılerınıŋ arasynan talanttardy tauyp, olardyŋ şyǧarmaşylyǧyn şyŋdauǧa kömek körsetıp keledı.
Mäselen, byltyrǧy baiqaudyŋ üş jeŋımpazy Qazaq ūlttyq öner universitetıne oquǧa şaqyryldy. Al biylǧy baiqauǧa 200 ümıtker qatysty. Olar jinalǧan jūrtqa matadan, aǧaştan, metaldan jasalǧan būiymdaryn ūsyndy.
11-13 jas aralyǧynda bırınşı oryndy Pavlodar qalasyndaǧy mümkındıgı şekteulı balalardy beiımdeu ortalyǧynyŋ tärbielenuşısı Anel Tölepova men Aqmola oblysy Uriupinka auylyndaǧy №1 balalar üiınıŋ tärbielenuşısı Kirill Moiseev jeŋıp aldy. 14-16 jas aralyǧynda Astanadaǧy balalar üiınıŋ boijetkenı Zemfira Mliukova men Aqtöbe oblysy Tamdy mektep-internatynyŋ oquşysy Timur Moldaǧaliev üzdık dep tanyldy. 7-11 mausymda Nazarbaev ortalyǧynda önerlı örender tuyndylarynyŋ qaiyrymdylyq körmesı bolady. Tüsken tabys balalardyŋ özderıne berıledı.
Yrysty JALǦASBAI
