Jaŋalyqtar

Bolaşaqqa baǧdar berer järmeŋke

ERA_9068

Keşe Mahambet Ötemısūly atyndaǧy Oquşylar saraiynda qalalyq Bılım basqarmasy «Astana – teŋ mümkındıkterdıŋ qalasy» atty tehnikalyq jäne käsıptık bılım beru mekemelerınıŋ körme-festivalyn ötkızdı.

Jyl saiyn ötkızıletın būl şaraǧa qalamyzdaǧy 34 käsıptık bılım beru mekemelerı tügeldei qatysty. Oqu oryndary özderı daiarlaityn mamandyqtary jaiynda habar berıp, tülekterge bolaşaqta mamandyq taŋdaudyŋ maŋyzyn tüsındırdı. Jalpy bılım beretın mektepterdıŋ 9-11-synyp oquşylaryna tehnikalyq jäne käsıptık bılım beru mekemelerınde oqytatyn mamandyq türlerı tanystyryldy.
Bügıngı taŋda jas tülekterdıŋ nazary aua bermegenımen, sūranysy joǧary «şaştaraz önerı jäne sändık kosmetika», «tıgın öndırısı jäne kiımdı modeldeu», «qonaqüi şaruaşylyǧynda qyzmet körsetudı ūiymdastyru» tärızdı mamandyq türlerı de bar. Keleşekte qūrylystyŋ qarqyndy jürgızıluıne bailanysty qūrylysşy mamandardyŋ tapşylyǧy sezıletının aldyn ala boljap otyrǧan Astana qalasy äkımdıgınıŋ Qūrylys-tehnikalyq kolledjı tülekterge «qūrylys, ǧimarattardy salu jäne paidalanu ısı», «dänekerleu ısı» mamandyqtaryn taŋdauǧa keŋes berdı. Adam janynyŋ araşasy bolar medisina qyzmetkerlerın daiarlaityn «Danalyq» kolledjı de öz jūmystaryn därıptedı.
Körmege qalamyzdyŋ köptegen mektepterınen oquşylar kelıp, özderın qyzyqtyrǧan mamandyqtar töŋıregındegı aqparattarǧa qanyqty. Bolaşaqqa qadam jasar tūsta aldyŋǧy buyn aǧalardan keŋes sūrady.
Körme-festivldıŋ soŋy tehnikalyq jäne käsıptık bılım beru mekemelerınıŋ studentterı arnaiy daiyndaǧan konsertke ūlasty.

Dosjan Sqaqov

Taǧyda

Ūqsas jaŋalyqtar

Pıkır üsteu

Back to top button