«Bolaşaqtyŋ» jaŋalyǧy köp
Saiasat NŪRBEK, «Halyqaralyq baǧdarlamalar ortalyǧy» AQ prezidentı
– Saiasat Nūrbekūly, QR Prezidentınıŋ halyqaralyq «Bolaşaq» baǧdarlamasyna ümıtkerler qabyldauda köptegen jaŋalyqtar engızılgenın estıp jatyrmyz….
– «Bolaşaq» baǧdarlamasynyŋ erejelerı zaman talabyna sai özgerıp, jetıldırılıp otyrady. Būǧan deiın «Bolaşaq» baǧdarlamasyna Astana men Almatydan tys öŋırler men şalǧai auyldardaǧy azamattardyŋ qamtyluy jiı synǧa alynatyn edı. Osyǧan bailanysty bız biyl öŋırlerde qūjat qabyldaudy bastadyq. Bızdıŋ ortalyqtan qūrylǧan jūmys toby ekı jarym ai boiy respublikamyzdyŋ tükpır-tükpırın aralap, öŋır azamattarynan qūjat qabyldady. Ärı baǧdarlamanyŋ büge-şıgesıne deiın tüsındırıp, nasihattaityn kezdesuler, jiyndar ötkızdı. «Bolaşaqtaǧy» tyŋ özgerıster de keŋınen tanystyryldy.
– Biyl alǧaş ret injener-lık jäne medisinalyq mamandyq ielerıne şetelde taǧylymdamadan ötuge mümkındık berılıp otyr eken. Däl osy mamandyqtardyŋ taŋdaluyna ne sebep?
– Bügıngı taŋda osy mamandyqtarǧa sūranys köp. Artyqşylyq beruımızdıŋ basty sebebı de – osy. Sonymen qosa, būryn tek qana memlekettık oqu oryndarynyŋ oqytuşylary ǧana taǧylymdamadan ötıp kelse, osy jyldan bastap jekemenşık oqu oryndarynyŋ qyzmetkerlerı de oǧan qatysa alady. Būl igı jaŋalyq ötken jyly «Bılım turaly» zaŋǧa engızılgen özgerısterge säikes bolyp otyr. Bılım jäne ǧylym ministrlıgı kez kelgen joǧary oqu orny men kolledjdıŋ, mektep pen balabaqşa kadrlaryna şetelde bılıktılıgın arttyruǧa mümkındık berdı.
– Sonda ǧylymi qyzmetker-lerge biyl qanşa stipendiia taǧaiyndalǧan?
– Ǧylymi qyzmetkerlerge bes jüzge juyq stipendiia taǧaiyndap otyrmyz. Ministrlıktıŋ qabyldaǧan şeşımımen, jylyna kem degende 400-500 mamandy şetelde daiarlaudy maqsat ettık. Pedagogtar arnaiy ǧylymi qyzmetkerlerge arnalǧan magistratura baǧdarlamalaryna qatysumen qatar, 18 aiǧa deiın tıl kurstaryn oqyp,12 ailyq ǧylymi taǧylymdamadan öte alady.
Qymbat NŪRǦALİ