BÜGIN ÄLEM ChEMPİONATY BASTALADY
Törtkül dünie bügınnen bastap Astanaǧa nazar audarady. «Barys – Arena» sport saraiynda äielder arasyndaǧy älem chempionaty bastalady.
Bairaqty bäsekede 64 eldıŋ boksşylary qolǧap tüiıstıretın bolyp otyr. Şarşy alaŋda 300-ge juyq sportşy şeberlıgın körsetedı. On salmaq därejesı boiynşa älem chempiondary men jüldegerlerı anyqtalady.
Osy jarystyŋ eŋ basty erekşelıgı – üş salmaq därejesı boiynşa biyl Rio-de-Janeiroda ötetın jazǧy Olimpiada oiyndaryna lisenziia berıletın bolady. Atap aitqanda, 51, 60 jäne 75 kelıge deiıngı salmaqtar boiynşa 12 joldama ülestırıledı.
Dübırlı dodaǧa Qazaqstan qūramasynan 10 boksşy qatysady.
Bügın saǧat 18.00-de älem chempionatynyŋ saltanatty aşylu räsımı ötedı. Janküierler üşın kıru tegın.
Ǧalym QOJABEKOV