MäslihatEkonomika

BIýDJET ÖZGERISTERI BEKITILDI

img1071

Qalalyq mäslihattyŋ 44-şı kezekten tys sessiia­synda Astananyŋ 2014-2016 jyldarǧa arnalǧan biudjetıne özgerıster engızu turaly mäsele talqylandy.

Osyǧan orai, Ekonomika jäne biudjettık josparlau basqarmasynyŋ basşysy J.Nūrpeiısov Biudjet ko­deksıne 2014 jylǧy 4 tamyzda engı­zılgen özgerısterge säikes, respublikalyq biudjettıŋ naqtylanuy kezınde jergılıktı deŋ­geide tüzetu kırgızılıp, biylǧy respublikalyq biud­jettıŋ naqtylanuy qala biud­jetınıŋ tüzetıluımen qabyl­danǧanyn jetkızdı.

Basqarma basşysynyŋ aituynşa, qalanyŋ äleumettık-ekonomikalyq körsetkışterınıŋ ösu serpını biudjettıŋ kırıs bö­lıgınıŋ atqaryluyna oŋtaily äser ettı. Osyǧan bailanysty Astana qalasy biudjetınıŋ kırıs bölıgı 2,8 mlrd teŋgege ūlǧaidy. Ötkızılgen monitoringke säikes, biudjettık baǧdarlama äkımşılerınıŋ ūsynystary bo­iynşa qarajatty qaita bölu ūsynyldy.

– Osylaişa, 2014 jyldyŋ qaŋtar-qazanynda qala biud­jetıne 129 645 789 myŋ teŋge tüstı, ötken jyldyŋ tiıstı ke­zeŋı­men salystyrǧanda tüsım 19 876 710 myŋ teŋgege ūl­ǧaidy, onyŋ ışınde salyqtyq tüsımder boiynşa naqty tüsım 113 661 571,0 myŋ teŋgenı qūrady, ötken jyldyŋ tiıstı kezeŋımen salystyrǧanda tü­sımder 18 789 406,0 myŋ teŋ­­gege ūlǧaidy, – dedı J.Nūr­peiısov.

Bas qalanyŋ Almaty auda­nynyŋ şyǧystaryna 200 mln teŋge qarastyryldy, onyŋ 25 mln teŋgesı audan aumaǧyndaǧy eldi mekenderdiŋ köşelerin jaryqtandyruǧa jäne 175 mln teŋgesı tazalyq jūmystaryn qamtamasyz etuge jūmsalmaqşy. Sonymen bırge, Saryarqa audanyna 250 mln jäne Esıl audanyna 350 mln teŋge qarastyru közdelgen.

Odan ärı elordanyŋ Energetika, Qūrylys, Kommunaldyq şaruaşylyq, Tabiǧi resurs­tar jäne tabiǧatty paidalanudy retteu basqarmalaryna qosymşa qarjy bölıngenın, būl qarajat bılım, densaulyq saqtau, äleumettık qorǧau, mä­deniet salalaryndaǧy kezek küttırmeitın bırqatar mın­­det­terdı şeşuge baǧyt­ta­la­tynyn aita kele, Janat Ǧaziz­ūly, sondai-aq, jol qoz­ǧa­lysy qauıpsızdıgın qamta­masyz etu üşın kölık infra­qū­ry­ly­myn damytuǧa jäne jaŋa av­to­bustar satyp aluǧa, tūr­ǧyn üi-kommunaldyq şarua­şy­lyq salasyn damytuǧa da qa­ra­jat qarastyrylǧanyn, ol qa­lanyŋ tazalyǧyna, aulalardy abattandyru men köşelerdı jaryqtandyruǧa jıberıletının jetkızdı.

Qalalyq mäslihattyŋ depu­tattary Astana qalasynyŋ 2014 jylǧy biudjetıne engı­zılgen özgerısterdı bırauyz­dan bekıttı.

Sessiia barysynda memleket mūqtajy üşın jer uchaskelerın aluǧa bailanysty jer uchas­ke­lerın nemese jyljymaityn öz­ge mülıkterdı  satyp alu turaly şarttardyŋ  jobalary kelısıldı.

Taǧyda

Ūqsas jaŋalyqtar

Pıkır üsteu

Back to top button