Qalalyq mäslihattyŋ kezekten tys elu üşınşı sessiiasyna Astana äkımınıŋ orynbasary Andrei Lukin, elordalyq audandar äkımderı, käsıporyn basşylary jäne būqaralyq aqparat qūraldarynyŋ ökılderı qatysty.
Kün tärtıbındegı alǧaşqy mäsele boiynşa Ekonomika jäne biudjettık josparlau basqarmasy basşysynyŋ orynbasary Gülnär Jüsıpova baiandama jasap, Astana qalasy mäslihatynyŋ 2014 jylǧy 11 jeltoqsandaǧy «Astana qalasynyŋ 2015-2017 jyldarǧa arnalǧan biudjetı turaly» şeşımıne özgerıster men tolyqtyrular engızudı ūsyndy.
G.Jüsıpovanyŋ aituynşa, 2015 jyldyŋ qaŋtar-mamyr ailary aralyǧynda qala biudjetı 103,2 paiyzǧa oryndalyp, eseptı kezeŋde qala biudjetıne 72 629 128 myŋ teŋge tüsken. Iаǧni, ötken jyldyŋ säikes merzımımen salystyrǧanda tüsım
13 807 960 myŋ teŋgege ūlǧaiǧan. Onyŋ ışınde salyqtyq tüsımder boiynşa naqty tüsım 67 339 288
myŋ teŋgenı qūrady, būl ötken jyldyŋ tiıstı kezeŋımen salystyrǧanda 14 160 111 myŋ teŋgege köp.
Sonymen bırge, Almaty audanynyŋ şyǧystaryna 323 203 myŋ teŋge qarastyryldy, onyŋ basym bölıgı audan aumaǧyn abattandyru men eldı mekenderdı kögaldandyruǧa baǧyttaldy. Saryarqa audanyna 182 982 myŋ teŋge jäne Esıl audanyna 422 084 myŋ teŋge qarastyru közdelgen. Osy jönınde aita kele, baiandamaşy būl qarajat ta qalanyŋ sanitarlyq jaǧdaiyn jaqsartuǧa, aulalardy abattandyru men mektepke deiıngı bılım berudıŋ memlekettık tapsyrystaryn jüzege asyruǧa jıberıletının jetkızdı. Qalalyq mäslihattyŋ deputattary Astana qalasynyŋ 2015 jylǧy biudjetıne engızılgen özgerısterdı bırauyzdan bekıttı.
Sessiia barysynda memleket mūqtajy üşın jer uchaskelerın aluǧa bailanysty jer uchaskelerın nemese jyljymaityn özge mülıkterdı satyp alu turaly şarttardyŋ jobalary kelısıldı. Odan ärı qaladaǧy jer uchaskelerın beru jönındegı jäne evakuasiialyq komissiialardyŋ qūramy bekıtılıp, Astana äkımdıgınıŋ janyndaǧy kämeletke tolmaǧandar ısı jäne olardyŋ qūqyqtaryn qorǧau jönındegı komissiianyŋ qūramyna özgerıster engızıldı.
Gülbarşyn ÖKEŞQYZY
