Biylǧy qaŋtar-aqpan ailarynda respublikada 438 sybailas jemqorlyq qylmys tırkeldı. Būl ötken jyldyŋ salystyrmaly uaqytyna qaraǧanda 0,7 paiyzǧa artyq körsetkış dep jariialandy finprom.kz portalynda.
Sybailas jemqorlyq qylmystardyŋ basym bölıgı Almaty men Astanada ärqaisysynda 51 jaǧdaidan tırkelgen.
Antiliderler qatarynda Qostanai (40 jaǧdai) jäne Türkıstan (37 jaǧdai) oblystary, Şymkent (36 jaǧdai) qalasy bar.
Sektordaǧy qylmystardyŋ eŋ az sany Şyǧys Qazaqstan, Abai jäne Ūlytau oblystarynda baiqalǧan.
Sybailas jemqorlyq qylmystardyŋ 37,4%-y para berumen bailanysty boldy. Jyl basynan berı 164 jaǧdai tırkeldı. Būl ötken jylǧy körsetkışke qaraǧanda 45,1%-ǧa artyq.
Būdan basqa para alu (141 jaǧdai), sybailas jemqorlyq salasyndaǧy alaiaqtyq (39 jaǧdai), senıp tapsyrylǧan böten mülıktı iemdenu nemese jymqyru (24 jaǧdai) jäne paraqorlyqqa deldal bolu (22 jaǧdai) jaǧdailary da bar.
Küdıktı dep tanu turaly qauly şyǧarylǧan adamdardyŋ sany 301-dı qūrady. Būl ötken jylǧa qaraǧanda 25,4%-ǧa köp. Onyŋ ışınde qylmys jasaǧan 243 adam anyqtalyp, 159 adamnyŋ ısı sotqa berıldı.
Resurstyŋ jazuynşa, memlekettık organdardyŋ qyzmetşılerı arasynda sybailas jemqorlyq qylmystaryn ışkı ıster organdarynyŋ qyzmetkerlerı jiı jasaǧan: 43 adam. Äkımdıkter men olardyŋ qūrylymdyq bölımşelerınıŋ qyzmetkerlerı (26 adam), IIM Qylmystyq-atqaru jüiesı komitetı (3 adam), Qarjy monitoringı agenttıgı (3 adam), Densaulyq saqtau ministrlıgı (3 adam) jäne İİDM (3 adam) qyzmetkerlerı de bar.
