Astana qalasynyŋ äkımdıgı, otandyq farmasevtika öndıruşılerı men QR Densaulyq saqtau jäne äleumettık damu ministrlıgı arasynda därı-därmekter baǧasynyŋ ösuıne jol bermeuge baǧyttalǧan memorandumǧa qol qoiyldy.
Taraptardyŋ ökılderı osy memorandumǧa qol qoiu – halyq arasynda äleumettık tūraqtylyqty qamtamasyz etudegı maŋyzdy qadam ekendıgın, sondai-aq, būl qūjat därılık preparattardy resepsız ötkızu mäselesın şeşuge de yqpal etetındıgın atap körsettı.
Memleket jyl saiyn därı-därmekter men medisinalyq qūral-jabdyqtardy satyp aluǧa biudjetten 139 mlrd teŋgege juyq qarjy böledı eken. Onyŋ ışınde, halyqty ambulatoriialyq därılermen qamtamasyz etuge 75 mlrd teŋge jūmsalatyny taǧy bar. Därıgerler keŋesımen tegın berıletın därıler qataryna aurudyŋ 48 türı boiynşa 400 därı atauy engızılıptı.
«Biznes özınıŋ äleumettık jauapkerşılıgın jäne äleumettık jaǧdaiy osal toptardy qoldau maŋyzdylyǧyn tüsınedı. Bız jiı qoldanylatyn preparattardyŋ baǧasyn jyl boiy tūraqty ūstau turaly memorandum jasau jönındegı bastamany qoldaimyz. Būl jerde otandyq öndıruşıler, distribiutorlyq sektor men därıhanalar bırıgedı» dedı Halyqaralyq farmasevtikalyq öndıruşıler qauymdastyǧynyŋ prezidentı Viacheslav Lokşin.
Basqosu qorytyndysynda taraptar elordada densaulyq saqtau jüiesın damytu salasynda yntymaqtastyqty odan ärı jalǧastyruǧa niet bıldırdı.
Taŋatar TÖLEUǦALİEV
