Nūr-Sūltan qalasy äkımdıgınıŋ qoldauymen «Astana» konsert zalynda Erkeǧali Rahmadiev atyndaǧy Memlekettık akademiialyq filarmoniianyŋ aq halatty abzal jandarǧa arnalǧan «Därıger mereiı» atty konsert öttı. Konsertke Premer-ministrdıŋ orynbasary Eraly Toǧjanov pen elorda äkımı Altai Kölgınov arnaiy qatysty.
Keşte simfoniialyq orkestr (dirijerı – Ernar Nūrtazin), Qazaqstannyŋ eŋbek sıŋırgen qairatkerlerı Klara Tölenbaeva, Sündet Baiǧojin, Lūqpan Joldasov, Altynai Jorabaeva, Ǧaziza Jūbanova atyndaǧy memlekettık ışektı aspaptar kvartetı, «Şalqyma» halyq bi ansamblı men «Dostar» balalar hory, halyqaralyq jäne respublikalyq baiqaulardyŋ laureattary öner körsettı.
Memleket basşysynyŋ tapsyrmasymen därıgerler men medisina qyzmetkerlerın qoldauǧa baǧyttalǧan yntalandyru şaralary qabyldandy. Qazır därıgerlerdıŋ jalaqysyn kezeŋ-
kezeŋmen köteru jūmystary jürgızılude.
Osy jazda elordanyŋ sol jaǧalauynda Memleket basşysynyŋ tapsyrmasymen jaŋa qoǧamdyq keŋıstık – Därıgerler alleiasy aşyldy. Onyŋ aumaǧy 11 ga qūraidy. Alleia elordanyŋ Esıl audanynda – Syǧanaq, Türkıstan, Aqmeşıt jäne Almaty köşelerınıŋ boiynda ornalasqan. Onyŋ aumaǧyna ındetke qarsy küreste zor üles qosqan medisina qyzmetkerlerıne arnap «Altyn jürek» eskertkışı tūrǧyzyldy.
