Jaŋalyqtar

Däripteuge laiyq dästür


Nauryz meiramy nauqanşyldyqtan arylyp keledi. Büginde ūlttyq modernizasiia Nauryz toiyna jaŋaşa lep bergendei. Olai deitin sebebimiz, Äz-Nauryz är üide, är auylda, är köşede, tipti balabaqşa, mektep jäne joǧarǧy oqu oryndarynda aituly deŋgeide ataluda.
«İslam dini tudyrǧan räsim» dep, Keŋes ükimeti 1926 jyly Nauryzdy toilauǧa tiym salǧan.
Alaida, 63 jyldan soŋ, 1989 jyly ūlttyq mereke qaitadan memleketke endi.
63 jyl – bir adamnyŋ ǧūmyry. Tipti, keibir ūlttarda halyqtyŋ ortaşa jasy bolyp sanalady. Soǧan qaraǧanda, būl kündi körmei ketkenderdiŋ de baryn baǧamdasaq, Nauryz meiramyn dübirlete toilaudy dästürge ainaldyra bilgen bügingi ūrpaq baqytty.
Jarty ǧasyrdan astam uaqyt ūmytyla bastaǧan Nauryzdy qaita jaŋǧyrtudy alǧaş qolǧa alǧan qoǧam qairatkerleriniŋ eŋbegi aituǧa tūrarlyq.
Mäselen, «Leninşil jas» gazetin basqarǧan Seidahmet Berdiqūlov 22 nauryz küni gazettiŋ merekelik sanyn şyǧarudy jyl saiyn ūiym-dastyrǧan. Odan keiin 1986 jyly osy basylymǧa kelgen Ualihan Qa-lijan būl ürdisti jalǧastyra bildi. Eki jyldan keiin Nauryz meiramy qarsaŋynda Mūhtar Şahanovtyŋ «Tamyryŋdy tereŋ jiber» degen sūhbaty jaryq kördi. Aitaiyn degenimiz, sol sūhbatta: «Respublika jastaryna, jastarǧa ǧana emes, aǧa buyn ökilderine, auyl aqsaqaldaryna, jergilikti partiia, keŋes, şaruaşylyq basşylaryna mynadai ūsynysym bar: Jyl saiyn mart aiynda Nauryz meiramyn ötkizip otyraiyq. Sol küni bärimiz özimiz tūratyn eldi mekenderde, qalalarda, auyldarda aǧaş otyrǧyzaiyq. Sol küni ärbir adam köktemgi köŋil küimen jaŋaru, jaqsaru lebin sezin-se… » dep aitylǧan edi. Osylaişa Nauryzdy kögaldandyru ideiasyna ūştastyryp, būl ideia artynşa S.Mäulenov, S.Şäimerdenov, S.Elubaev, S.Asylbekov, Ū.Esdäu-letovterdiŋ ülken qoldauyna ie bolǧan.
İslam dininiŋ qaldyǧy dep qaraǧan Äz-Nauryzǧa keiin Kolbinniŋ özi «ta-maşa dästür» eken dep taŋdai qaqty.
Täuelsizdik alǧaly Äz-Nauryz jyldan-jylǧa jaŋaşa dästürmen, jaŋaşa qarqynmen jasaryp keledi. Söngenimiz janyp, öşkenimiz tirildi degen osy şyǧar…

Gülmira AIMAǦANBET

Taǧyda

Ūqsas jaŋalyqtar

Pıkır üsteu

Back to top button