Keşe «Ramada Plaza» qonaq üiınde «Äleumettık daulardy şeşudegı saiasi partiia jetekşılerınıŋ rölı» taqyrybynda döŋgelek üstel bolyp öttı. Astana qalasy Işkı saiasat basqarmasy men «Qazaqstan jastary Konventı» jeke qory ūiymdastyrǧan şarany saiasattanuşy Artur Nyǧmetov jürgızdı.
Astana qalasy Işkı saiasat basqarmasynyŋ bölım basşysy Nūrbol Serıkbekovtıŋ alǧysözınen keiın döŋgelek üstelge kelgen saiasi partiia men qoǧamdyq bırlestıkterdıŋ ökılderı öz oilaryn ortaǧa saldy.
«Nūr Otan» HDP Astana qalalyq filialy Qoǧamdyq-saiasi jūmys bölımınıŋ basşysy Tölegen Abylǧazin Şyǧys memleketterındegı jiı-jiı dürbeleŋ tudyratyn oqiǧalar sol elderdıŋ saiasi partiialary jetekşılerınıŋ äleumettık janjaldarǧa tiıstı deŋgeide köŋıl bölmegenderın körsetetındıgın, sondyqtan el partiialary äleumettık daulardy aldyn aluǧa ülken nazar audaru kerektıgın atap öttı.
«Şaŋyraq» qoǧamdyq bırlestıgınıŋ töraǧasy Mahambet Äbjan özderı atqarǧan jūmystary jönınde baiandady. «Aişa» qoǧamdyq qorynyŋ töraiymy Aişa Orazbai qordyŋ qyzmetınen habar berdı. Pıkırtalas örbıp, partiialardyŋ janynan talqylau taqyrybyna ainalǧan mäsele boiynşa qoǧamdyq keŋesterdı qūru tiımdı bolatyny aityldy.
A.Şmitūly
