Keşe Qazaq ūlttyq öner universitetınıŋ törınde «Eldık – bırlıkte!» ūranymen qalalyq HI Delfii oiyndarynyŋ qorytyndy gala-konsertı öttı. Osydan üş kün būryn bastau alǧan dübırlı dodaǧa qatysqan 200-ge juyq önerpaz ekı topqa bölınıp, L.N.Gumilev atyndaǧy Euraziia ūlttyq universitetınde jäne Qazaq ūlttyq öner universitetınıŋ konsert zalynda bäsekege tüstı.
Astana qalasynyŋ Jastar saiasaty mäselelerı basqarmasy men ūlttyq Delfiilık komitetı ūiymdastyrǧan öner dodasy 12 nominasiiadan tūrdy. Baq synasqan bäsekelester özderınıŋ alǧyrlyǧy men tapqyrlyǧyn ortaǧa salyp, önerlerın paş ettı. Oiyndar ekı bölek jas erekşelıgınde: kışı top (10-15 jas) jäne eresek top (16-21 jas) aralyǧynda öttı. Konkurs baǧdarlamasynyŋ ärbır nominasiiasy boiynşa oiynnyŋ jüldegerlerı men jeŋımpazdaryn anyqtaityn ädılqazylar müşelerı qūrylyp, jüzden jüirık, myŋnan tūlparlar ırıktelındı.
Delfii oiyndary bızdıŋ zamanymyzǧa deiıngı 582 jyly Grekiiadan bastau alyp, bügınde älemdık mädenietpen elımızde bıte qainasyp, är jyl saiyn ötkızılıp kele jatyr. Daryndy balalardy şyŋdaityn öner saiysy qazır jas talanttardyŋ asyǧa kütetın, özderınıŋ şyǧarmaşylyq mümkındıkterın körsetetın baiqauǧa ainaldy. Oǧan qatysqan üzdık öner ielerıne respublikalyq jäne halyqaralyq Delfii oiyndaryna joldama alu mümkındıgı tuady. Oiynnyŋ tanymaldyǧy men oǧan qatysuşylardyŋ sany jyl saiyn artyp keledı. Delfiilık oiyndar – klassikadan bastap, qazırgı janrdaǧy barlyq öner türın bırıktıretın jarys bolyp otyr.
Täuırjan RAHAT, «Şaşu» bi ansamblınıŋ jetekşısı, QR Mädeniet qairatkerı:
– Bız «Halyq biı» nominasiiasynyŋ kışı tobyna qazylyq ettık. Ūiymdastyruşy top jaqsy jūmys jasady, köŋılımnen şyqty. Bır qynjyltqany – elordamyzda 60-qa juyq bi ūiymdary bar bolsa da, olardyŋ 6-sy ǧana öz önerın körsettı.
Aliia APPASOVA, Delfii oiyndary ştabynyŋ üilestıruşısı:
– Qatysuşylar da synǧa tüser sätte öz-özderıne senımdı bolyp, önerlerın oidaǧydai körsete bıldı. Al oiyn erekşelıkterıne toqtala ketsek, nominasiialar qataryna jaŋadan teatr, kiım dizainy jäne qysqametrajdy beinerolik qosyldy. Menıŋ köŋılımnen şyǧyp, erekşe äser qaldyrǧan da jarystyŋ osy bölımderı boldy. Äsırese, «Taǧylym tamşylary» teatr studiiasynyŋ jas ärtısterı önerlerıne täntı boldyq. «Qysqametrajdy film» nominasiiasynan ekınşı orynǧa ie bolǧan Erlık Aǧjanov ta özınıŋ käsıbi beineroligımen barşamyzdy taŋǧaldyrdy. Al «Kiım dizainy» nominasiiasy talapty jastardyŋ soŋǧy sän ülgısınen beihabar bolmaityndyǧyn aŋǧartty. Respublikalyq saiys ta Astana qalasynda ötpek. Irıkteuden ötken eŋ myqty jastar legı tamyzdyŋ 13 künı bır arnada toǧysatyn bolady.
Äsemgül ǦNİIаTQYZY, «Fotosuret» nominasiiasyna qatysuşy:
– Būl saiystan erekşe äser aldym. Ädılqazylar alqasy suretterımızdı joǧary baǧalaǧany qatty quantty. Jalpy, mektep qabyrǧasynan berı osyndai jarystarǧa qatysyp kelemın. Delfii oiyndary – öte tanymal konkurs. Osyndai oiyndardyŋ arqasynda önerpazdardyŋ şyǧarmaşylyq deŋgeiı ösedı dep oilaimyn. Qatysuşylardyŋ barlyǧy öte talantty, aqjarqyn, qarapaiym boldy. Tıptı, keibıreulerımen dostasyp ülgerdım. Men üşın būl jobaǧa qatysudyŋ özı – bır baqyt. Sebebı, bız köp täjıribe jinaqtadyq, özımızdı köpşılıkke basqa qyrymyzdan körsete bıldık.
Sonymen, biylǧy qalalyq Delfii oiynynyŋ «Dombyra» nominasiiasy boiynşa 1-oryn Nūrbolat Tapalovqa būiyrsa, «Estradalyq vokaldan» Nazym Mūqataeva, Gülnūr Baianova men Süleimen Oljas ta jeŋımpaz atandy. «Zamanaui biden» «Edelveis» bi ansamblı, «Beineleu önerı» jäne «Dekorativtı-qoldanbaly önerden» Şolpan Jarova men Boztai Äkımhan, «Kiım dizainynan» Nūrlyaiym Tynyşbek, «Prima-qobyzdan» Ajar Huan top jardy. Al «Şabyt» balalar teatry eŋ üzdık teatr dep taŋdaldy.
Delfii oiyndary jüldegerlerın marapattau räsımınıŋ soŋy konserttık baǧdarlamaǧa ūlasyp, «Z» toby, Aibek Bekbosyn, Küläiım Qaiyrbekova syndy estrada jūldyzdary än şyrqady.
Künaiym SÄKEN
