Elorda äkımdıgınıŋ qoldauymen Astana qalasynyŋ tuberkulezge qarsy qyzmetın damytu tūjyrymdamasyn jüzege asyru aiasynda osy dertke qatysty epidemiologiialyq jaǧdai aitarlyqtai jaqsardy dep habarlaidy qala äkımınıŋ baspasöz qyzmetı.
Auru deŋgeiı balalar arasynda 54,6%-ǧa, al jasöspırımder arasynda 51,9%-ǧa tömendep, olardyŋ osy dertten köz jūmu derekterı tırkelgen joq.
Tuberkulezdıŋ aldyn alu üşın balalarǧa «mantu» synamasyn qoiu arqyly ūdaiy tekseru jürgızıledı. Synama qorytyndysy oŋ bolǧan rette balalar ftiziatrǧa keŋes alu üşın jıberıledı. Oŋ synamanyŋ sipatyn anyqtau üşın ftiziatr balany tekseruden ötkızıp, qajet jaǧdaida profilaktikalyq emdeu şaralaryn qoldanady.
2014 jyldyŋ qaraşasynan bastap Astana qalasynyŋ tuberkulezge qarsy dispanserınde «mantu» synamasynyŋ nätijesı oŋ bolyp, qajettı emdeu şaralaryn ötkızu qajettelıgı tuyndaǧan jaǧdaida jaŋa «Diaskintest» ädısın qoldanu täjıribege engızıldı.
Osy test engızılgen kezden bastap 6317 bala tekseruden ötıp, olardyŋ 5423 (86%) «mantu» synamasy terıs bolyp şyqty. Al, 724 balada (11,5%) synama oŋ nätije körsettı.
Mūndai şaralardyŋ barlyǧy balalar men jasöspırımder arasynda osy dertpen auru deŋgeiın aitarlyqtai tömendetuge ülken septıgın tigızedı.
