Basty aqparatMädeniet

Dirijerler dodasy

Astanada qala äkımdıgınıŋ qoldauymen muzyka maitalmany, Qazaqstannyŋ eŋbek sıŋırgen qairatkerı, «Parasat» ordenınıŋ iegerı, professor Aitqali Jaiymov atyndaǧy respublikalyq I dirijerler baiqauy bastaldy. E.Rahmadiev atyndaǧy Memlekettık akademiialyq filarmoniiasy qazaq orkestrınıŋ körkemdık jetekşısı-bas dirijerı Aitqali Tılepqaliūlynyŋ 75 jas mereitoiyna arnalǧan būl baiqau üş kün boiy jalǧasady.

Baiqaudy Astana qalasy Mädeniet basqarmasy basşysynyŋ orynbasary Nūran Qamzin men E.Rahmadiev atyndaǧy Memlekettık akademiialyq filarmoniiasynyŋ bas direktory Erlan Däkenov aşyp berdı.

– Būl baiqau Astananyŋ mädeni ömırınde laiyqty ornyn alady dep senemın. Qazylar alqasyna – ädıl baǧa, qatysu­şylarǧa sättılık, Aitqali aǧaǧa qajymas qairat, zor densaulyq, şyǧarmaşylyq tabystar tıleimın! – degen Nūran Qamzin baiqaudyŋ aşyluymen qūttyqtady.

Erlan Däkenov öz tarapynan osy baiqaudy ūiymdastyru filarmoniiaǧa ülken jauapkerşılık jükteitının atap öttı. Būl baiqau alǧaşqy ret ötıp jatqanyn aityp, konkurs qatysuşylarynyŋ sany jyldan jylǧa artuyna, deŋgeiınıŋ ösuıne tılektestıgın bıldırdı. Mereitoi iesınıŋ iyǧyna qazaqy dästürmen şapan japty.

Aitqali Jaiymov osy baiqaudyŋ ūiymdastyryluyna qoldau körsetken qala äkımdıgıne, qalalyq Mädeniet basqarmasyna, filarmoniia basşylyǧy men ūjymyna, qazylar alqasyna alǧys aitty.

Aitqali Jaiymov atyndaǧy respublikalyq dirijerler baiqauynyŋ maqsaty – dirijerlık önerdı qoldau, damytu, nasihattau jäne onyŋ damuyndaǧy sabaqtastyqty qamtamasyz etu; qoǧam nazaryn zamanaui dirijerlık oryndau­şylyq önerge audaru, ony ūlttyq mädeniet, mädeni mūra qūndylyqtaryna qosu; käsıbi ortadaǧy täjıribe almasu men şyǧarmaşylyq bailanysty damytu üşın daryndy jastardyŋ käsıbi şeberlıgın arttyru. Baiqau ekı kezeŋnen tūrady. Onyŋ barysynda Astana qalasy men Almaty, Öskemen, Atyrau, Kökşetau, Qaraǧandy, Pavlodar qalalarynan kelgen jas mamandar, jalpy onnan astam qatysuşy elordalyq filarmoniianyŋ qazaq orkestrımen jūmys ıstep, dirijerlık basqaru şeberlıgın körsetuı tiıs. Baiqau jeŋımpazy 1 mln teŋgege ie bolady.

Taǧyda

Ūqsas jaŋalyqtar

Pıkır üsteu

Back to top button