Sport

DÜNİENIŊ DÜLDÜLISIŊ, DANİIаR

Bokstan Qazaqstan ūlttyq qūramasynyŋ kapitany Daniiar Eleusınov ekınşı ret qatarynan AİBA (Halyqaralyq äuesqoi boks qauymdastyǧy) taŋdauymen älemnıŋ üzdık boksşysy atandy. Şarşy alaŋda jekpe-jekke şyqqanda keremet tehnikasymen, qaitpas qaisarlyǧymen közge tüsetın qazaq jıgıtıne älemdık boks mamandary osyndai baǧa berıp otyr. Halqynyŋ baǧyna tuǧan arda ūldy bız de joǧary märtebelı ataǧymen qūttyqtaimyz.

Boksşy äkesı Marat Tälıpūlyna, boksşy aǧasy Däurenge elıktep ösken bala Daniiardyŋ da bokstan basqa taŋdauy bolmaǧany zaŋdylyq. «Ūiada ne körseŋ, ūşqanda sony ılesıŋ» degen osy şyǧar.

Qolyna bylǧary qolǧap kigelı Daniiar bır-aq baǧytty ūstandy. Ärıde Qonaqbaev, berıde Säpiev sekıldı boks­şy bolǧysy keldı. Qūdaiǧa şükır, osy baǧytynan, osy maqsatynan älı de ainymai, älı de qaitpai keledı. Qaita jyl ötken saiyn mejesı de, mındetı de biıktei berdı.

Daniiar sport arqyly märtebege bölenudıŋ mänısın 2006 jyly kädımgıdei sezındı. Jasöspırımder arasyndaǧy respublika bırınşılıgın ūtyp alǧannan keiın kadetterdıŋ älem chempionatyna joly tüstı. Bırınşı ret şetel asty. Sätın salyp jasöspırımder arasyndaǧy älem bırınşılıgınıŋ altyn jüldegerı atandy. Arada ekı jyl ötkende jas­tar arasyndaǧy älem dodasynda baq synady. Būl joly alǧaş ret ädıletsızdıktıŋ aşy dämın tatqandai boldy. Olai deitınımız, finaldyq jekpe-jekte qarsylasynan basym tüskenımen, töreşıler būra tartyp jıbergen eken. Söitıp, kümıs medal aluǧa tura kelgen. Jyl ötken saiyn türlı jarystarǧa qatysyp, qanaty qataiǧan jas boksşy 2010 jyly eresekter arasyndaǧy Qazaqstan chempionatyna qosyldy. Astana törınde ötken bırınşılıkte chempion atanyp qana qoimai, jarystyŋ üzdık boksşysy bolyp tanyldy. Sodan ūlttyq qūramanyŋ basşylary köp oilanbastan Daniiardy Aziia oiyndaryna apardy. Alyp qūrlyqtyŋ alaman bäigesınde de altyn medal alyp qana qoimai, üzdık boksşy atandy. Osy jarystan keiın-aq Daniiar Eleusınov özınıŋ jastyǧyna qaramai ūlttyq qūramanyŋ negızgı müşesıne ainaldy. 2011 jäne 2012 jyldary da Qazaqstan chempionatynda aldyna jan salmady. London olimpiadasynan keiın ūlttyq qūrama basşylyǧy osy oiyndarda chempion atanyp, Barker kubogyn qosa ūtyp alǧan Serık Säpievtıŋ ornyna komanda kapitany etıp Daniiardy taŋdaudy ūsynady. Al, komandalas serıkterı būl şeşımdı bırauyzdan qūptaidy.

2013 jyl salmaq därejesın 64 kelıden 69 kelıge auystyrǧan Daniiar Eleusınovtıŋ ömırıne öte ülken özgerıster äkeldı. Köktemde Aziia bırınşılıgınde top jardy. «Astana arlandary» sapynda bır jekpe-jek ötkızıp, jeŋıske jettı. Al küzde älem bırınşılıgınde chempion ataǧyn jeŋıp aldy. Almaty törınde ötken älemdık dodada Daniiar Eleusınov sol kezdegı eŋ myqty degen boksşylardyŋ bärınen basym boldy. Londonda jolyn kesken italiialyq Pikarenı de, kubalyq Despeindı de sözsız tıze büktırdı. Osylaişa qatarynan ötken qos jarystan qos altyn alǧan qazaq boksşysyna AİBA  2013 jyldyŋ üzdık boksşysy ataǧyn bergen edı. Memleket basşysy N.Nazarbaevtyŋ Jarlyǧymen  komandalas serıkterı Bırjan Jaqyp, Merei Aqşalov, Jänıbek Älımhanūlymen bırge «Qūrmet» ordenımen marapattaldy.

Biyl da Daniiar boksşy bairaqty bäsekenıŋ biıgınen körındı. Jaqynda ǧana Oŋtüstık Koreianyŋ İnchhon qalasynda ötken HVII Aziia oiyndarynda jeŋıs tūǧyrynyŋ eŋ biık satysynan qol būlǧady. Būl Daniiardyŋ tört jylda bır ötetın Aziia oiyndarynda ekınşı ret qatarynan jeŋıske jetuı.

– Daniiar Eleusınovtıŋ Aziia oiyndarynda qatarynan ekınşı ret jeŋıske jetuı tegın emes. Būl tört jylda bır ret ötetın ülken jarys. Qūrlyqtyŋ olimpiadasy dep te aitady. Daniiar öz ısıne öte jauapkerşılıkpen qaraityn jıgıt. Men onyŋ Olimpiada şyŋyna da şyǧatynyna senemın. Öitkenı, onyŋ boiynda maqsatyna jetu üşın qandai qiyndyq bolsa da qaitpaityn mınezı bar, – deidı bızben äŋgımesınde Qazaqstan ūlttyq qūramasynyŋ memlekettık jattyqtyruşysy Bolat Abdrahmanov.

Endı, mıne, altyn asyqtai arda ūldyŋ taǧy bır aqjoltai märtebesıne quanyp otyrmyz. AİBA basşylyǧy D. Eleusınovtı taǧy da «Jyldyŋ üzdık boksşysy»  ataǧymen marapattalǧanyn jariialady. Sondai-aq, taǧy bır quanǧanymyz Qazaqstan ūlttyq qūramasynyŋ bas bapkerı Myrzaǧali Aitjanov ta «Jyldyŋ üzdık bapkerı» atandy.

Alda lisenziialyq älem chempionaty kütıp tūr. Osy jarysta Rio de Janeiro olimpiadasyna joldamalar berıledı. Sondyqtan da būl jarys Daniiar Eleusınovtıŋ basty mejesı bolmaq. Chempiondyq ataqty da qorǧap qalu kerek. Sol üşın de bügın bır maqsatqa arbalǧan Bırjan Jaqyp, Iliias Süleimenov, Jänıbek Älımhanūly, Anton Pinchuk, Ädılbek Niiazymbetov, İvan Dychko jäne basqa da komandalas ärıptesterımen jüielı jattyǧudan qol üzbei jür.

Olai bolsa, «jolyŋ bolsyn, bapkerıŋ – äkeŋ Marat Tälıpūlynyŋ altyn qoly aman bolsyn!» demekpız Olimp şyŋyna ūmtylǧan qazaq balasyna. Qazaq janküierın jeŋısıŋmen quanta berşı, Daniiar!

 

Ǧalym QOJABEKOV

Taǧyda

Ǧalym Qojabekov

«Astana aqşamy» gazetı bas redaktorynyŋ orynbasary

Ūqsas jaŋalyqtar

Pıkır üsteu

Back to top button