Basty aqparat

EKSPO KÖRMESI ELORDANY EREKŞE KÖRKEITEDI

www

Memleket basşysy Körme keşenınıŋ bolaşaq halyqaralyq, taqyryptyq pavilondarynyŋ, sondai-aq, sauyq jäne qyzmet körsetu nysandarynyŋ maketterımen tanysty.

Sonymen qatar Nūrsūltan Nazarbaevqa körmenıŋ ortalyǧy – Qazaqstannyŋ Ūlttyq pavilonynda bolatyn nysandar jönınde jan-jaqty baiandaldy.

Sodan soŋ Qazaqstan Prezidentı keŋes ötkızıp,  qūrylys jūmystarynyŋ barysyna toqtaldy. Memleket basşysy ıske qosu jäne ärleu jūmystaryn jürgızu üşın keşendı 2016 jylǧy qyrküiekke deiın daiyn etu qajettıgın aityp, jūmys kestesın saqtau mäselesın atap öttı.

Nūrsūltan Nazarbaev salynyp jatqan ǧimarattardy körmeden keiın de paidalanu mäselesın Ükımetpen bırlese otyryp anyqtau basty mındetterdıŋ bırı ekendıgıne nazar audardy.

– Keibır elderdegı sekıldı nysandar bos tūryp qalmauy kerek. Qonaqtarǧa arnalǧan baspana, qonaq üi jäne Kongress-ortalyq maqsatty paidalanylady. Būl rette, körmeden keiın şeteldık memleketterdıŋ pavilondary men özge de köptegen oryn-jailar bos qalady. Keşen odan ärı qalai paidalanylatynyn qazırdıŋ özınde şeşıp alǧan jön. Mümkın onda halyqaralyq şaralar, äskeri, agroönerkäsıptık körmeler ötkızıler. Älemdık ırı kompaniialardy bızdıŋ nysandarymyzdy öz jūmystaryna paidalanuy üşın qyzyqtyru qajet. Sonymen qatar, mūnda halyqaralyq bankter, būqaralyq aqparat qūral­dary öz keŋselerın aşuǧa tılek bıldırude. Jalpy alǧanda, barlyq ǧimarattar 2017 jyldyŋ küzınen soŋ ärı qarai paidalanuǧa berıluge tiıs, – dedı Qazaqstan Prezidentı.

Memleket basşysy elımızdıŋ «EKSPO-2017» körmesın ötkızudegı maqsaty Qazaqstannyŋ tabystaryn äigıleudı, älemdık qoǧamdastyqqa onyŋ mümkındıkterın paş etudı közdeitının atap öttı.

– Bızdıŋ respublikamyzdy köptegen aspektıler boiynşa – ırı energetikalyq memleket, uran kenın öndıretın jetekşı el, astyq eksporttauşy, bai tabiǧi resurstarǧa ie memleket retınde bıledı. Endı bolaşaqqa ūmtylǧan jaŋa eldı körsetu qajet. Ūlttyq pavilon tūjyrymdamasynyŋ özı de Qazaqstan jetken jetıstıgımen toqtalyp qalmaitynyn, ärdaiym
ärı qarai ılgerıleudı maqsat tūta­tynyn körsetedı, – dedı Nūrsūltan Nazarbaev.

Sondai-aq, Qazaqstan Prezidentı joba Astananyŋ bedelın būdan da ärı nyǧaituǧa septıgın tigızetınıne nazar audardy.

Soŋynda Memleket basşysy jobany būdan ärı jüzege asyruǧa qatysty bırqatar naqty tapsyrmalar berdı.

Keŋes barysynda «Astana EKSPO-2017» ŪK» AQ basqarmasynyŋ töraǧasy T.Ermegiiaev körme keşenı qūrylysyndaǧy Qazaqstannyŋ ülesın  arttyru turaly Memleket basşysynyŋ tapsyrmasyna säikes halyqaralyq ıs-şara daiyndyǧyna jäne oǧan qatysuǧa elımızdıŋ biznes-qoǧamdastyǧy belsendı türde tartylyp jatqanyn aitty. EKSPO nysandaryndaǧy qazaqstandyq üles 60%-dan kem bolmaidy dep josparlanuda.

Sonymen qatar qūrylys barysy turaly «Sembol», «BI Group», «ABK Qūrylys-1», «Mabetex Group», «SK Bazis», «Kompaniia ADS», «MegaManagement» siiaqty merdıgerlık qūrylys kom­paniialarynyŋ basşylary baian­dama jasady.

*  *  *

Jalpy audany 174 gektar bolatyn Körme keşenınıŋ aumaǧynda 38 nysan boi köteretın bolady. Jobaǧa 8 qūrylys ūiymy jäne 3500-den astam jūmysşy qatysyp jatyr.

Keşennıŋ körme aimaǧynda diametrı 80 metrlık, şar pışı­nın­degı Qazaqstannyŋ Ūlttyq pavilony, sondai-aq, halyqaralyq, taqyryptyq jäne korporativtık pavilondar, sauda, oiyn-sauyq jäne qyzmet körsetu nysandary ornalasady. Körme syrtyndaǧy aimaqqa konferensiia ortalyǧy, baspasöz ortalyǧy, jabyq qala, tūrǧyn üiler men qonaq üiler enedı.

EKSPO nysandary jel, kün jäne özge de balamaly quat közderınen alynatyn «jasyl» energetikamen qamtamasyz etıledı dep josparlanyp otyr.

Taǧyda

Ūqsas jaŋalyqtar

Pıkır üsteu

Back to top button