Astanada ötetın «EKSPO-2017» halyqaralyq körmesıne qatysatyn elder osy jyldyŋ soŋyna qarai körme aumaǧyndaǧy pavilondaryn toltyra bastaidy, dep mälımdedı «Astana EKSPO-2017» ūlttyq kompaniiasy» AQ basqarma töraǧasynyŋ orynbasary Erbol Şormanov.
«Ekspo körmesı – täuelsız Qazaqstannyŋ tarihyndaǧy eŋ ırı joba bolǧandyqtan, jauapkerşılıgı joǧary. Būl jobany abyroimen jüzege asyrǧymyz keledı. Qazır körmenıŋ daiyndyǧy qarqyndy jürıp jatyr. Körme aumaǧynyŋ qūrylysy da qarqyndy. Sondyqtan, osy jyldyŋ soŋynda halyqaralyq körmege qatysuyn rastaǧan memleketterdıŋ pavilonyn özderıne beremız. Elder jyl soŋynan bastap pavilondaryn toltyra beredı» dedı E.Şormanov.
Sondai-aq, ol däl qazırgı sätte 90 el men 15 halyqaralyq ırı ūiym Astanadaǧy körmege qatysatynyn rastaǧandyǧyn eske saldy. 70 eldıŋ komissiarlary anyqtalyp, 50 kelısımşartqa qol qoiylǧan.
Aita keteiık, 10 mausym künı, iaǧni, körmenıŋ aşyluyna tura bır jyl qalǧanda körme biletterı satylymǧa tüsken bolatyn.
