Kezdesu barysynda S.Kulagin Memleket basşysyna öŋırdıŋ negızgı äleumettık-ekonomikalyq körsetkışterı, memlekettık baǧdarlamalardyŋ jüzege asyrylu barysy, sondai-aq aldaǧy kezeŋge arnalǧan josparlary turaly baiandady.
Nūrsūltan Nazarbaev öndırıs kölemın ūlǧaitu jäne jaŋa jūmys oryndaryn aşu maqsatymen «Nūrly jol» baǧdarlamasy aiasynda şaǧyn jäne orta biznestı qoldau jūmystaryn jalǧastyru qajettıgıne nazar audardy. Qazaqstan Prezidentı jylu beru mausymyna uaqytyly ärı sapaly daiyndaludyŋ maŋyzdylyǧyn da atap öttı.
Aqmola oblysynyŋ äkımı biylǧy bırınşı jartyjyldyqtyŋ qorytyndysy boiynşa naqty sektor salalarynda ösım körsetkışı qamtamasyz etılgenın aitty. Aitalyq, önerkäsıp salasynda öndırıstıŋ naqty kölem indeksı 106,5%-ke jetıp, respublika boiynşa köşbasşy körsetkışke ainaldy.
S.Kulaginnıŋ aituynşa, İndustriialandyru kartasy aiasynda jüzege asyrylǧan 62 joba 6 myŋnan astam jūmys ornyn aşuǧa mümkındık bergen. Jyl aiaǧyna deiın taǧy 20 jaŋa jobany ıske qosu josparlanǧan. Auyl şaruaşylyǧynda mal basy men qūstyŋ ösımı qamtamasyz etılıp, mal şaruaşylyǧy önımderınıŋ öndırısı ūlǧaidy. Öŋırdegı auyl şaruaşylyǧy daqyldarynyŋ egıs alqaby 4,2 million gektar bolsa, sonyŋ 3,8 million gektaryna astyq egılgen.
Qazaqstan Prezidentıne Astananyŋ ainalasynda «azyq-tülık beldeuın» damytu aiasynda jürgızılıp jatqan jūmystar men ıske qosu josparlanyp otyrǧan bırqatar jaŋa jobalar turaly da baiandaldy.
Memleket basşysy kezdesu qorytyndysy boiynşa bırqatar naqty tapsyrma berdı.
akorda.kz
