Basty aqparatSaiasat

ASTANA KÖŞ BASTAP TŪR

Keşe Memleket basşysy Nūrsūltan Nazarbaev Astana qalasynyŋ äkımı Ädılbek Jaqsybekovty qabyldady.

3ba3332b4df08608c6d9dd1f656d972f

Ä.Jaqsybekov Memleket basşysyna elordanyŋ äleumettık-ekonomikalyq damuy, negızgı memlekettık baǧdarlamalardyŋ jüzege asyrylu barysy jäne aldaǧy kezeŋge arnalǧan josparlar turaly baiandady.

Kezdesu barysynda Qazaqstan Prezidentı öŋırlık jalpy önımınıŋ kölemı 4 trillion 560 milliard teŋgege jetken qala bügınde ösım qarqyny boiynşa elde bırınşı orynda tūrǧanyn aitty.

Sonymen qatar negızgı kapitalǧa salynǧan investisiialar kölemınıŋ ösımı baiqaluda, byltyrǧy jyldyŋ qorytyndysy boiynşa ol 770 milliard teŋge boldy. Şaǧyn jäne orta biznes subektılerınıŋ sany 2014 jyly 93 myŋ bolsa, qazırgı kezde 105 myŋǧa deiın jettı. Şaǧyn jäne orta biznes sektoryndaǧy qosymşa qūnnyŋ jiyntyq ülesı qala ekonomikasynyŋ jalpy kölemınıŋ 62 paiyzyna jeteǧabyl. Biyl 2,1 million şarşy metr kölemınde baspana paidalanuǧa berıledı dep josparlanǧan, 2014 jyly būl körsetkış 1 millionnyŋ şamasynda bolǧan edı.

Memleket basşysy äleumettık damu indikatorlary arasynan jūmyssyzdyq deŋgeiınıŋ tömen ekenın jäne 6 myŋ bos jūmys orny bar ekenın aityp öttı. Ötken jyl qorytyndysy boiynşa, Astanada jan basyna şaqqandaǧy ortaşa tabys 3,7 million teŋge boldy. Elordada balalardyŋ 84,5 paiyzy mektepke deiıngı bılımmen qamtylǧan, balabaqşalar men mektepter qūrylysy jalǧasuda. 2015 jyly jaŋa tuǧan 100 myŋ säbige şaqqanda ana ölımı 7 adamǧa teŋ bolsa, biylǧy bırınşı toqsanda būl körsetkış nölge teŋestı.

Nūrsūltan Nazarbaev qalany damytuǧa kapital salu tiımdı bolyp şyqqanyna, bügınde onyŋ orny tolyp jatqanyna da nazar audardy.

– Būl – quantarlyq körsetkışter, ol memlekettıŋ, bırınşı kezekte qala äkımdıgınıŋ syndarly jūmysynyŋ nätijesı bolyp sanalady. Osy jūmysty jalǧastyru kerek. Elorda barlyq baǧyt boiynşa ülgı körsetuge tiıs. «Aqyldy qalany», balama energetikany damytu, jylumen jabdyqtau, köşelerdı abattandyru, avtotūraqtar salu baǧytynda köp närse jasaluda. Qala jaqsy damyp keledı jäne būǧan qajettı öz qarajaty da bar, – dedı Qazaqstan Prezidentı.

Memleket basşysy kezdesu qorytyndysy boiynşa bırqatar naqty tapsyrma berdı.

akorda.kz

Taǧyda

Ūqsas jaŋalyqtar

Pıkır üsteu

Back to top button