Bırıkken Arab Ämırlıkterınde ötken Düniejüzılık islam ekonomikalyq forumy aiasynda Qazaqstan Respublikasynyŋ Prezidentı Nūrsūltan Nazarbaev Global Islamik Finance Awards ūiymynyŋ «İslamdyq qarjy boiynşa jahandyq köşbasşy» syilyǧymen marapattaldy.
Būl – islam qarjy naryǧyn halyqaralyq deŋgeide damytuǧa asa zor üles qosqan memleket qairatkerlerıne berıletın märtebelı syilyq. Marapattau räsımı kezınde Nūrsūltan Nazarbaev «Qazaqstan 2009 jyldan berı islamdyq qarjylandyru qaǧidattaryn zaŋnamalyq tūrǧydan engızu jönınen TMD men Ortalyq Aziiada köşbasşy sanalady. Qazırgı uaqytta Qazaqstanda islam bankingı, saqtandyru jäne lizing salasynda öz qyzmetterın ūsynatyn islamdyq qarjy instituttarynyŋ tūtas bır şoǧyry jūmys ısteidı» dep atap öttı. Sonymen qatar, Elbasy Qazaqstannyŋ halyqaralyq islam ūiymdarynyŋ qyzmetıne belsene aralasatynyn, islamdyq qarjylandyrudy damytudaǧy rölı küşeie beretının de jetkızdı.
Keşe Astanadaǧy Ortalyq kommunikasiialar ortalyǧynda Memleket basşysynyŋ märtebelı syilyqpen marapattaluyna bailanysty bır top memleket jäne qoǧam qairatkerlerı brifing ötkızdı.
Anatolii Başmakov, Mäjılıs deputaty:
– Elbasymyz Nūrsūltan Nazarbaevtyŋ «İslamdyq qarjy boiynşa jahandyq köşbasşy» syilyǧynyŋ laureaty bolǧany – bızdıŋ elımızdıŋ syrtqy saiasatynyŋ köpvektorlyǧyn taǧy bır aiqyndaǧandai boldy. Negızı islamdyq qarjylandyru ekonomikamen ǧana şektelıp qalmaidy, sonymen qatar bılım, mädeniet, jalpy gumanitarlyq damudy qoldap otyrǧan institut. Onyŋ halyqaralyq mänı de, märtebesı de öte zor. Al Nūrsūltan Nazarbaev osy baǧyttaǧy jūmysty jandandyra tüskenın tek qana islam elderı ǧana emes, älemdık qoǧamdastyq ta jaqsy bıledı. Sondyqtan būl nagradanyŋ bızdıŋ Prezidentımızge berıluın bızdıŋ memleketımızge degen halyqaralyq senımnıŋ artuymen bailanystyramyn.
Töleutai Süleimenov, memleket jäne qoǧam qairatkerı, Qazaqstan Respublikasynyŋ tūŋǧyş Syrtqy ıster ministrı:
– Memleket basşysy Nūrsūltan Nazarbaevtyŋ osy nagradany alǧanyn ülken oqiǧa dep sanaimyn. Būl – Elbasymyzǧa ǧana emes, elımızge körsetılgen zor qūrmet.
Özderıŋız bılesızder, bızdıŋ elımızdıŋ saiasi ūstanymy jan-jaqty. Törtkül düniedegı barlyq eldermen yntymaqtastyqty ärı ıskerlık qarym–qatynasty ūstap kelemız. Sonyŋ nätijesınde Qazaqstan bükıl älemge senımdı serıktes retınde tanylyp otyr. Osynyŋ bärı – Nūrsūltan Nazarbaevtyŋ saliqaly saiasatynyŋ jemısı.
«İslamdyq qarjy boiynşa jahandyq köşbasşy» syilyǧy islam älemındegı joǧary nagradalardyŋ bırı bolyp tabylady. Būl tek qana qarjy salasy boiynşa berıletın syilyq emes, jalpy alǧanda ekonomikalyq tabystar, gumanitarlyq jetıstıkter, taǧy basqa da salalardy damytu üşın zor üles qosqan memleket qairatkerlerıne, sonymen qatar sol memleketke berılgen joǧary baǧa jäne senım dep bılemın.
Rozaqūl Halmūradov, Qazaqstan halqy assambleiasynyŋ müşesı, Mäjılıs deputaty:
– Elbasymyz Nūrsūltan Nazarbaevtyŋ islam älemınıŋ joǧary nagradasyn alǧanyn estıgende keremet quandym. Osyndai basşysy bar, osyndai mäŋgılık eldıŋ azamaty bolǧanyma quandym. Elbasymyzdyŋ osyndai märtebelı syilyqpen marapattaluy bızdıŋ elımızge degen qūrmettıŋ de, senımnıŋ de artqanyn bıldıredı. Elbasy mereiı – el mereiı degen osy. Şynymen de bügıngı Qazaqstan qai jaǧynan alyp qarasaŋyz da damudyŋ daŋǧyl jolymen keledı. Europa men Aziia, batys pen şyǧys elderımen jaqsy qarym–qatynas ūstap otyrmyz. Öz elımızde qanşama ūlt ökılderı bırlık pen berekenı jaqtap ömır süremız. Qazaqstan halqynyŋ assambleiasy
jasap jatqan jūmystar basqa elderge önege bolyp ta otyr. Osynyŋ bärın älem jūrty bıledı.
Qazaqstanda islam azyq-tülık qauıpsızdıgı ūiymy jūmys ısteidı. Bankter qyzmet jürgızedı. Jalpy, bızdıŋ memleket islam älemındegı halyqaralyq ūiymdarmen jaqsy ärıptestık ornatqan. Osynyŋ bärı Prezidenttıŋ yqylasty qoldauymen jürgızılıp jatyr. Astana törınde salynyp jatqan «Abu-Dabi Plaza» keşenı sol yntymaqty qarym–qatynastyŋ belgısı dese bolady.
Osyndai aqjoltai oilary men pıkırlerın Parlament deputattary Egor Kappel men Ahmet Mūradov ta ortaǧa saldy. Memleket jäne qoǧam qairatkerlerınıŋ «Elbasy mereiı – el mereiı» degen jürekjardy lebızderıne bız de qosyldyq.
Ǧalym QOJABEKOV
