Basty aqparatJaŋalyqtar

Elbasy Nobel syilyǧynyŋ laureattarymen kezdestı

Kezdesuge Nobel syilyǧynyŋ laureattary T.Sardjent, K.Pissarides jäne E.Preskott, Europa qaita qūru jäne damu bankınıŋ prezidentı S.Chakrabarti, ekonomist, AQŞ Prezidentı R.Reigannyŋ jäne Ūlybritaniia Premer-ministrı M.Tetcherdıŋ būrynǧy keŋesşısı A.Laffer, Kolumbiia universitetı Jer institutynyŋ direktory D.Saks, Massachusets tehnologiia institutynyŋ ekonomika professory D.Adjemoglu, Kembridj universitetınıŋ ekonomika professory Chang Ha-Djun, ekonomist Hunbin Sun, «Boston Consulting Group» direktorlar keŋesınıŋ töraǧasy H.-P.Biurkner, JP Morgan Chase International direktorlar keŋesınıŋ töraǧasy D.Frenkel qatysty.

Memleket basşysy mūnai, gaz jäne basqa da tabiǧi resurstardyŋ joǧary  baǧasy ötken künnıŋ enşısınde qalyp bara jatqanyn aitty.

– Qazaqstan siiaqty memleket üşın būl zor syn-qater. Mūndai ahual damudyŋ balama joldaryn ızdeuge mäjbürleitındıkten, mūnyŋ oŋdy tūsy da bar. Eşbır el mūnai men gaz esebınen ǧana joǧary deŋgeide qala alǧan joq. Bızge ekonomikamyzdy ärtaraptandyru üşın qarajattyŋ qajettı kölemın jinaqtau kerek boldy, bız solai ıstedık. Al soŋǧy alty jyl boiynda bız öŋdeuşı önerkäsıptıŋ ülesın arttyru üşın eldı industriialandyru ısın belsene jürgızıp jatyrmyz, – dedı Nūrsūltan Nazarbaev.

Qazaqstan Prezidentı jahandyq damudaǧy qarqyndy özgerısterge nazar audardy.

– Bügınde älemdık kapitaldyŋ şirek bölıgın «sandyq» ekonomika qūraidy, «jasyl» tehnologiialar üdetıle tüsude. Älemde ışten janu dvigatelınıŋ zamany ötıp bara jatqany turaly aita bastady, elektromobilder satyp aluşylardyŋ qatary qarqyndy türde artyp keledı. Osyndai auqymdy özgerıster naqty şyndyqqa ainalyp, adamdardyŋ qiialyna qozǧau saluda. Aqparattyq teŋsızdık ūlǧaiuda, dünienıŋ bır müiısınde sandyq neirohirurgiia qalyptastyru turaly oilastyryp jatqanda, ekınşı müiısındegı adamdar älı kompiuterdı de körgen joq, – dedı Memleket basşysy.

Nūrsūltan Nazarbaev jahandyq ekonomika jaǧymsyz geosaiasi yqpaldardyŋ qysymyna ūşyrap jatqanyn da aitty.

– Būlardyŋ qataryna äskeri qimyldardy, bosqyndar legın, terrorlyq aktılerdı, sanksiialyq teketıresterdı qosuǧa bolady. Būl rette jaŋa ekonomikalyq jaǧdai syn-qaterlermen bırge mümkındıkter közıne de jol aşady. Kım paidalana bılse, sol ūtady, – dedı Qazaqstan Prezidentı.

Memleket basşysy jahandyq damudyŋ qazırgı satysynda älemdık deŋgeidegı sarapşylardyŋ pıkırınıŋ airyqşa mänı bar ekenın aitty.

– Bügınde halyqaralyq arenadaǧy özara senım joǧalyp barady, būl – tepe-teŋdık üşın qauıptı ürdıs. Osynyŋ bärı qaqtyǧys qaterıne äkeluı mümkın. Sondyqtan men BŪŪ mınberınen barlyq eldı qaqtyǧyssyz älem qalyptastyruǧa küş jūmyldyruǧa şaqyrdym. Bızdıŋ mındetımız – jer betınde ornyqty ärı tūraqty damudy qamtamasyz etu, progress üşın ozyq şeşımder äzırleu. Daǧdarys – özgerıster kezeŋı. Adamzat ortaq küş-jıger men pıkır almasular arqyly būl jaǧdaidan şyǧudyŋ şeşımın tabatynyna senımdımın. Būǧan törtınşı industriialyq revoliusiia arqyly, 15-20 jyldan keiın älemdı özgertetın mülde jaŋa tehnologiialardy engızu arqyly qol jetkızıluı mümkın, – dedı Nūrsūltan Nazarbaev.

Kezdesuge qatysuşylar jahandyq saiasi jäne ekonomikalyq damuǧa, aqşa-valiuta jüiesınıŋ perspektivalaryna qatysty közqarastaryn bıldırıp, halyqaralyq kün tärtıbındegı özektı mäselelerdı şeşuge bailanysty öz oilaryn ortaǧa saldy. Olar bızdıŋ elde jüzege asyrylyp jatqan, Qazaqstandy jan-jaqty damytuǧa yqpal etuı tiıs reformalarǧa qatysty alǧan äserlerın de aityp berdı.

Aqorda

Taǧyda

Ūqsas jaŋalyqtar

Pıkır üsteu

Back to top button