Elbasy qoǧam qairatkerı, Ūly Otan soǧysynyŋ ardagerı Sūltan Jienbaevpen kezdestı

Nūrsūltan Nazarbaev kezdesu barysynda S.Jienbaevqa qoǧamdyq jäne etnosaralyq kelısımdı ornyqtyruǧa, el halqynyŋ bırlıgın nyǧaituǧa qosqan airyqşa ülesı üşın Memlekettık beibıtşılık jäne progress syilyǧyn tabys ettı, dep habarlaidy Aqordanyŋ baspasöz qyzmetı.

Qazaqstan Prezidentı S.Jienbaevqa äskeri erlıgı men eldıŋ damuy jolyndaǧy aianbai etken eŋbegı üşın alǧys aityp, alǧan marapatymen qūttyqtady.

– Sız ötken ǧasyrdyŋ qiyn kezeŋderınıŋ kuäsı boldyŋyz. Ūly Otan soǧysyn bastan aiaǧyna deiın ötkerdıŋız, odan keiın Qazaqstan ekonomikasyn örkendetu jolynda qyzmet ettıŋız. Täuelsızdık jyldarynda elımızge baǧa jetpes qoldau körsettıŋız. Ötken ömırıŋızdı aita otyryp, jastardy tärbielep kelesız. Būl turaly barşamyzǧa aian, az aitylyp, az jazylǧan joq. Bügınde Sızdıŋ biık azamattyq qasietterıŋız barşa Qazaqstannyŋ qūrmetı men qoşemetıne laiyq, – dedı Memleket basşysy.

Nūrsūltan Nazarbaev Ūly Otan soǧysynyŋ ardagerıne zor densaulyq pen baqyt tıledı.

S.Jienbaev respublikanyŋ qalyptasuy men damuyndaǧy Qazaqstan Prezidentınıŋ jeke eŋbegıne toqtaldy jäne öz qyzmetın joǧary baǧalaǧany üşın  alǧys aitty.