KÜMISBEKOVTEN KÜI KETER KÖKTEM KELSE…
Duman Mamaev:
– Qaiyrly kün! Osy eldıŋ salyq tölep jürgen ärı aldaǧy uaqytta da tölei beretın azamaty retınde özımdı äbden aşyndyrǧan mäselenı qauzaǧym keledı. Biyl nemese osy ǧasyrda Kümısbekov köşesıne bırdeŋe ıstele me? Maŋaiynda jer köp ekenıne qaramastan, köşe joly öte tar ärı oidym-oidym, qūddy aspannan meteorit jauǧandai. Al, kölık keptelısı jönınde aityp jatpai-aq qoiaiyn. Jyl saiyn töseitın asfalt qabaty qarmen bırge erıp ketedı, dūrys, sapaly jol sala alatyn denı dūrys maman tabyŋyzdar! Būl – Astana ǧoi!..
1 säuırde tüsken şaǧymǧa 5 künde jauap berıldı.
Kommunaldyq şaruaşylyq basqarmasy:
– Sızdıŋ şaǧymyŋyzǧa bailanysty «Kenesary- Kümısbekov köşelerı-Bögenbai batyr-Saryarqa daŋǧyldary şegındegı A,B, Slabodka audanynyŋ josparlanǧan injenerlık jelılerı men joldary» jobasyn jüzege asyruǧa tapsyrys beruşı Astana qalasy kommunaldyq şaruaşylyq basqarmasy ekenın habarlaimyz. Bölıngen qarjynyŋ tapşylyǧyn eskere otyryp, biyl Jangeldin köşesınıŋ Saryarqa daŋǧylynan Kümısbekov köşesıne deiıngı bölıgın qaita jöndeu josparlanyp otyr. Ol 2015 jyldyŋ qazan aiynda aiaqtaluǧa tiıs. Aita keterlık jäit, «Selinograd» jäne «Jıbek joly» tūrǧyn üi keşenderınıŋ kıreberısıne Jangeldin köşesınıŋ Kümısbekov köşesınen Beisekov köşesıne deiıngı bölıgıne qūrylys jūmystaryn jürgızu barysynda jol töseledı, Astana qalasy Jolauşylar kölıgı jäne avtomobil joldary basqarmasy tapsyrys berıp otyrǧan būl joba 2016-2017 jyldary jüzege asyrylady.
KÜL-QOQYS JAILAP ALDY KÖŞEMIZDI
Arhat Esqaliev:
– Qūrmettı Ädılbek Ryskeldıūly! Qalanyŋ «Oŋtüstık-Şyǧys» şaǧyn audanyndaǧy Jankent pen Tölebaev köşelerınıŋ qiylysyna qonys tepken tūrǧyndardyŋ tazalyqty saqtau mäselesıne köz qyrynyzdy salǧanynyzdy ötınemız. Atalǧan köşelerge ötken, iaǧni, 2014 jyly tas jol tösep, asfalttaǧan edı. Bıraq tūrǧyndardyŋ osy igılıktı dūrys paidalanyp, qadege asyra almai otyrǧany erıksız qynjyltady. Osyǧan orai körsetılgen mekenjaiǧa öz ökılderıŋızdı jıberuıŋızdı ötınemız.
Mäsele 6 kün ışınde şeşımın tapty.
Almaty audany äkımınıŋ apparaty:
– Qūrmettı Arhat! Almaty audany äkımınıŋ apparaty Sızdıŋ şaǧymyŋyzdy teksere kelıp, bügıngı taŋda Jankent pen Tölebaev köşelerınıŋ qiylysy kül-qoqystan tazartylǧanyn habarlaidy. Qosymşa aitarymyz: atalǧan köşelerdıŋ sanitariialyq ahualyna jauapty merdıger ūiymnyŋ jetekşısıne mūndai jaǧdaiǧa jol beruge bolmaityndyǧy tüsındırıldı, kül-qoqys pen qatqyl tūrmys qaldyqtaryn uaqtyly tasyp şyǧarmau kemşılıgı taǧy da qaitalanǧan rette atalǧan merdıger ūiymǧa aiyppūl salynady.
…SANİTARİIаǦA SAŊǦYP JÜR QŪSTAR
Nikolai Sorokopud:
– «Green» supermarketınde ylǧi paidalanu merzımı ötıp ketken nemese ötuge taialǧan tauarlar satylady. Al, ǧimarat ışınde qūstar – torǧailar ūşyp, bızdıŋ satyp alatyn taǧamymyzǧa saŋǧyp jüretını bır bölek äŋgıme… Sanitariialyq-epidemiologiialyq qadaǧalaudyŋ qaida qaraityny tüsınıksız. Äldebır olar da barşamyzǧa belgılı norma ataulyǧa pysqyrmai ma?
Mäsele 8 kün ışınde şeşımın tapty.
Memlekettık sanitariialyq-epidemiologiialyq qadaǧalau departamentı:
– Qūrmettı Nikolai Vasilevich! «Green» supermarketınde paidalanu merzımı ötıp ketken nemese ötuge taialǧan tauarlar satylatyndyǧyn habarlaǧan äuelgı şaǧymyŋyzda nysannyŋ mekenjaiy körsetılmegen edı. 30 nauryzda departamentke Özıŋız aiaqtai kelgen kezıŋızde şaǧym jazudyŋ jäne ony qaraudyŋ tärtıbın tüsındırdık, sodan soŋ supermarkettıŋ tiıstı derekterı men şaǧymdanuǧa türtkı bolǧan sebepter jazbaşa türde resımdeldı. Qazırgı kezde 2015 jylǧy 31 nauryzda tüsken № S-419 jazbaşa şaǧymyŋyzǧa säikes tekserıs taǧaiyndau turaly aktı QR Bas prokuraturasy Qūqyqtyq statistika jäne arnauly esepke alu komitetınıŋ Almaty qalasy boiynşa basqarmasynda tırkelude. Sızge zaŋda belgılengen merzımde jauap qaitarylady.
«AIаLDAMADAN ASYP KETKENI, NE ETKENI?!.»
Baǧdat Ämırina:
– 2015 jylǧy 29 nauryzda (saǧat 14.10-de) № 40 (meml.nömerı z182cw) avtobusta kele jattym. Men jäne taǧy üş jolauşy» Beisekbaev» (būrynǧy «Jukovka») aialdamasyna tüsuge daiyndaldyq. Avtobus zymyraǧan küiınde aialdamaǧa toqtamastan öte şyqty, kölıktı toqtatu turaly ötınışımızdı qūlaǧyna ılgen de joq. Kenesary – Sembinov köşelerınıŋ qiylysynda jürgızuşı esıktı aşyp, jolauşylardy tüsırıp, ärı qarai jönei berdı. Bızde jürgızuşıler qaşannan berı jolauşylar tasymaldau erejesın özderınşe belgıleitın boldy?
Astana qalasynyŋ ärqily avtoparkıne bırneşe ret telefon şalyp, № 5 (meml.nömırı 193 AH 01), № 20 (meml.nömırı Z 737 CN) marşruttaryna qatysty şaǧym aittym, bıraq dispetcher olarǧa eş şara qoldanylmaitynyn jūqalyp jetkızdı; tasymaldau bölımınıŋ bastyǧymen de söilestım, odan da tük nätije şyqqan joq. Sonda basşysyn qosşysy bilegenı me?
Mäsele 8 künde şeşımın tapty.
Jolauşylar kölıgı jäne avtomobil joldary basqarmasy:
– Baǧdat, kez kelgen tärtıp būzuşylyq talqyǧa salynyp, deregı däleldengen şaqta äkımşılık şara qoldanylady. 29 nauryz künı № 40 marşrut boiynşa qyzmet körsetken Z 182 CW nömırlı avtobustyŋ aialdamaǧa toqtamai ketkenı turaly Sız körsetken derek däleldenıp, Jolauşylar men jük tasymaldau erejesın būzǧany üşın M.Aitekeev jūmystan bosatyldy, Kölık mamandarynyŋ bılıktılıgın arttyru ortalyǧyna qaita attestasiiadan ötuge jıberıldı. Al, 2015 jylǧy 1 qaŋtary men 31 nauryz aralyǧynda Z 031 CM nömırlı avtobusqa qatysty şaǧym eş jerde tırkelmegen. № 2 avtobus parkınde Jolauşylar men jük tasymaldau erejesıne bailanysty qosymşa tüsınık beru jūmystary jürgızıldı.
Ärine, osy salada jūmysty ūiymdastyryp, baqylau ornatudyŋ qoldanystaǧy jüiesı oidaǧydai nätije bermei otyrǧany ras. Osyǧan orai qazırgı kezde qoǧamdyq kölık jūmysyn jetıldırıp, jolaqy töleudıŋ elektrondy jüiesı engızılude.
TYIYM BELGISIN TŪRAQJAI JASAP…
Tal Albiev:
– Qaiyrly kün! Türkıstan köşesındegı 33/1- mekenjaida orta mektep ornalasqan; sabaq bastalar jäne aiaqtalar kezde balalardy oqu ornyna jetkızıp, alyp ketetın avtomobilder iın tıresıp, köşenı keptep tastaidy. Jol osy bölıgıne aialdauǧa tyiym salatyn belgı tūr, bıraq mektepke keletın kölıkter ony tūraqjaiǧa ainaldyrǧan. Sondyqtan, oqu orny basşylyǧymen jäne JPP qyzmetkerlerımen arnaiy äŋgıme ötkızıp, jol boiyn bıtep tastaǧanşa, mektep aulasynyŋ qaqpasyn aşyp qoiu kerek dep oilaimyn; ekınşıden, ünemı Türkıstan-Saraişyq köşelerınıŋ qiylysynda tūratyn JPP qyzmetkerlerıne sabaq bastalar kezde (saǧat 12.30 – 14.00-de) mektep maŋaiyndaǧy köşelerde keptelek tuyndatatyn qūbylystardyŋ aldyn aludy, jol jüru tärtıbın būzǧandardy äkımşılık jauapkerşılıkke tartudy mındetteu kerek.
Mäsele 18 künde şeşımın tapty.
Işkı ıster departamentı:
– Astana qalasy IID äkımşılık polisiia basqarmasy Sızdıŋ şaǧymyŋyzǧa orai № 66 mektebıne taiau Türkıstan köşesı baqylauǧa alyndy. Sap tüzu bölımşelerınıŋ qyzmetkerlerı qarbalas şaqta (taŋǧy, tüskı jäne keşkı mezgılde) jürgızuşılerdıŋ kölıkke jolauşylardy mıngızıp-tüsırgende aialdau erejelerın būzuyna jol bermeu üşın jūmystanuda. Jyl basynan berı osy köşede kölık qūraldaryn qaŋtarudyŋ 40-tan asa deregı tırkeldı. Mektep maŋyndaǧy aumaqty uaqytşa aialdama – maşina qaŋtaratyn jer retınde paidalanu maqsatynda qaqpany aşyp qoiu mäselesın bız Esıl audanynyŋ äkımdıgımen bırneşe ret talqyladyq. Sonyŋ qorytyndysy boiynşa aitarymyz, qorşau ışındegı aumaqtaǧy oquşylardyŋ qauıpsızdıgıne oqu orny basşylyǧy jauap beredı. Mıne, sondyqtan, № 66 orta mektep töŋıregındegı aumaqty ortaq paidalanymǧa arnalǧan tūraqjaiǧa ainaldyru jönındegı ūsynysyŋyzdy jüzege asyrudyŋ mümkındıgı bolmai tūr.
Daiyndaǧan Maqsot IZIMŪLY
- Derekter www.astana.kz saitynyŋ «Halyqtyq baqylau» jäne Astana qalasy äkımdıgıne qarasty memlekettık mekemeler men kommunaldyq qazynalyq käsıporyndar saittarynyŋ «Sūraq-jauap» bölımınen ırıktelıp alyndy.
