Jaqynda Astana qalalyq sotynyŋ apelliasiialyq sot alqasy 1980 jyly tuylǧan Marat esimdi azamattyŋ №2 Almaty audandyq sotynyŋ 2011 jyldyŋ 27 jeltoqsanyndaǧy ükimine keltirgen apelliasiialyq şaǧymyn qanaǧattandyrusyz qaldyrdy. Ol Qazaqstan Respublikasy Qylmystyq kodeksi 177-baby 3-böliginiŋ «b» tarmaǧymen mülki tärkilenip, 4 jylǧa bas bostandyǧynan aiyruǧa, jazany tüzeu koloniiasynyŋ jalpy rejiminde öteuge sottaldy.
Qazirgi taŋda memlekettik satyp aludyŋ veb-portalynda (http://www.goszakup.gov.kz) 126 467 paidalanuşy bar. Elektrondyq memlekettik satyp aludyŋ biryŋǧai nüktesin ūsynatyn memlekettik aqparattyq jüiede osy uaqytqa deiin 123 902 qatysuşy tirkelgen. Satyp alu tizbesine 42468 habarlandyrular ornatylǧan. Konkurs modulinde 736 688 jospar bolsa, 25 mln astam kelisim-şarttar jasalǧan. Osy portalda memlekettik satyp aludyŋ «qara tiziminde» – 3384 qatysuşy bary anyqtalǧan. Solardyŋ qatarynda, sottalǧan Marat ta bar.
Äŋgimeni äriden bastasaq, Marat birqatar adamdarmen aldyn ala söz bailasyp, alaiaqtyq maqsatta paidalanu üşin öz atyna Astana qalasy Ädilet departamentine «Dainer Group» JŞS-in tirkeidi. İnternet jelisi arqyly IR-adrestiŋ kömegimen memlekettik satyp alu portalyna «Dainer Group» atynan eŋ tömengi baǧa ūsynystarymen habarlandyrular berip otyrǧan. Būl öz kezeginde birneşe adamdardy öz qarmaǧyna oŋai iluge sep bolatynyn aldyn ala bilgen. Osylaişa Qaraǧandy oblysy äkimdiginiŋ «Qaraǧandy oblystyq bilim beru qyzmetkerleriniŋ biliktiligin arttyru jäne qaita daiarlau instituty» qyzmetkerlerimen 2 052 000 teŋge köleminde memlekettik satyp alu turaly №57 kelisim-şartyn jasaidy. Atalǧan kelisimge säikes, mekeme Marattyŋ esep-şotyna şart baǧasynyŋ 30 paiyzyn, iaǧni 615 000 teŋge aldyn ala tölem audarǧan. Sondai-aq, Soltüstik Qazaqstan oblysy äkimdigi «Mamliut ortalyq audandyq auruhanasynan» – 1 725 000 teŋge, «Jambyl audanaralyq tuberkulezge qarsy dispanserinen» –3 250 000 teŋge, «№3 qalalyq auruhanasynan» – 950000 teŋge, «Olimpiada rezerviniŋ mamandandyrylǧan №4 balalar men jasöspirimderdiŋ sport mektebinen» – 100 800 teŋgeni alaiaqtyq jolmen iemdengen. Osylaişa el-jūrttyŋ senimine kirip, iri mölşerde ūrlyq jasap, memleketke ziian keltirgen.
Apelliasiialyq şaǧymynda Marat sottyŋ ükimimen kelispei, kinäsin jar-tylai ǧana moiyndaidy. Özin alaiaqtyqpen ūrlyq jasamaǧanyn, basqa tūlǧalardyŋ sözderine aldanyp qalǧanyn aityp aqtalǧan. Aqşa qarajattaryn almaǧanyn jäne otbasy jaǧdaiyn eskerip, jeŋil jaza taǧaiyndaudy sūrap jalbarynǧan.
Alaida is materialdaryn jäne şaǧymdardyŋ uäjderin tekseru barysynda ükim birneşe negizderge säikes özgerissiz qaldyruǧa jatatyny anyqtaldy.
Sot mäjilisinde kinäli dep tanyǧan tūjyrymdar jan-jaqty zerttelip, obektivti türde zaŋdy baǧa berilgen däleldemeler naqty bolǧan oqiǧa-larǧa säikes kelgen. Marattyŋ «Basqa tūlǧalardyŋ sözine aldanyp qal-dym» degen uäji de orynsyz dep tabyldy. Jäbirlenuşiler aldyn ala jäne sot tergeuinde de Maratty äşkerelep, qylmystyŋ män-jaiyn baiandap bergen jauaptaryn aiyptau ükiminiŋ negizine dūrys dep alǧan. Marattyŋ kinäsi barlyq qūjattarda körinis tapqan. Atap aitqanda, mem-lekettik mekemelerden alynǧan qūjattarymen – baǧa ūsynystaryn sūratu täsilimen memlekettik satyp alu qorytyndylaryn bekitu turaly şeşimderimen, konkurstyŋ qorytyndylarymen, memlekettik satyp alu turaly kelisim-şarttarmen, banktik esep-şot köşirmelerimen, banktik chektermen, talondarmen, aqşalai qarjyny audaru jönindegi tölem tapsyrmalarymen, Marattyŋ qol qoiu ülgilerimen, taŋbasy bar qūjattarmen, senimhattarmen, esep şot aşu aryzymen, esep-şottardyŋ üzindilerimen, būiryqtarmen, ülgi jarǧy negizinde qyzmetin jüzege asy-ratyn şaruaşylyq seriktestikti memlekettik tirkeu turaly ötinişterimen, aqşa töleu boiynşa tübirtektermen, şeşim üzindisiniŋ köşirmelerimen, akt köşirmelerimen tolyq bekuin tapqan.
Memlekettik mekemelerdiŋ senimine kirgenmen, tiisti mindetin oryndauǧa eşqandai nieti bolmaǧan.
«Sondyqtan, birinşi satydaǧy sot jaza taǧaiyndaǧanda Marattyŋ jauapkerşiligin auyrlatatyn jäne jeŋildetetin män-jailardy tolyq eskerip, jasaǧan qylmysyna dūrys jaza taǧaiyndaǧan. Sot alqasy sot ükimin özgerissiz dep tauyp, Marattyŋ apelliasiialyq şaǧymyn qanaǧat-tandyrusyz qaldyrdy», – deidi sot alqasyna töraǧalyq etken sudia Jaqsylyq Alhamin.
R.S
…Elektrondyq memlekettik satyp alu portaly tapsyrys beruşi men ūsynuşynyŋ arasynda deldaldyŋ qyzmetin atqarady. Memlekettik satyp aludyŋ elektrondy jüiesi memleket üşin paidaly bolǧanymen, äli de jetildiretin tūstary jeterlik. Al «qara tizimge» ilingenderdiŋ qatary köbeigenin baǧamdasaq, elektrondy jüie bärine birdei tiimdi dep aitu – äzirge qiyn.
(Belgili bir sebepterge bailanysty keiipkerdiŋ aty özgertilip berildi)
Gülmira AIMAǦANBET
