Qazaqstan viza beru räsımın elektrondyq formatqa köşırudı josparlap otyr. Būl jönınde QR syrtqy ıster ministrınıŋ bırınşı orynbasary Räpıl Joşybaev mälımdedı.
– Qazaqstanǧa keletın şeteldık azamattarǧa barynşa qolaily jaǧdai jasau maqsatynda viza berudıŋ qoldanystaǧy tärtıbıne özgerıster engızıledı. Jaŋa redaksiiada avtomattandyru, elektrondyq vizalardy räsımdeu boiynşa qyzmetterdı integrasiialau tärızdı jaŋaşyldyqtar jäne özge de jeŋıldıkter negızge alynyp otyr. Qazırgı uaqytta räsımdı elektrondyq formatqa köşıru tetıkterı saralandy, – deidı R.Joşybaev. Onyŋ aituynşa, būl qazaqstandyq vizany räsımdeu tärtıbın aitarlyqtai jeŋıldetuge mümkındık beredı.
