Jyl saiyn Qazaqstan Respublikasy Prezidentınıŋ äkımşılıgı Astana, Almaty qalalarynyŋ jäne oblystardyŋ äleumettık-ekonomikalyq damuynyŋ negızgı körsetkışterı boiynşa reiting ötkızedı.
Ol jyl qorytyndysynda resmi statistikalyq mälımetterge süiene otyryp jasalady. Onyŋ nätijelerı är öŋırdıŋ äleuetın naqty körsetıp, damu barysynyŋ osal tūstaryn aiqyndauǧa mümkındık beredı.
2011 jyly ötkızılgen reiting qorytyndysy boiynşa damu deŋgeiı jönınen Astana qalasy bırınşı orynǧa şyǧyp, qatarynan ekınşı märte «damuy joǧary deŋgeidegı qala märtebesın» ielendı.
Odan keiıngı oryndarda Atyrau oblysy, Almaty qalasy men Maŋǧystau oblysy tūr. Äsırese, negızgı äleumettık damu körsetkışterınıŋ deŋgeiın saralaǧanda, elordada tūrmys keşıp, bılım alu, äleumettık qorǧalu mūratyna jetuge qolaily jaǧdailar jasalǧany baiqalady.
Sonymen qatar, ekonomikalyq damu baǧytynda da Astana üzdık körsetkışterge qol jetkızıp otyr. Atap aitqanda, jan basyna şaqqandaǧy tūrǧyndardyŋ baspanamen, kölıkpen qamtamasyz etıluı, salyq tüsımderı t.b. körsetkışterı joǧary.
Sonymen, ötken joly qala äkımdıgınıŋ ornyqty damu baǧytyndaǧy basym mındetter men maqsattardy baiypty taŋdap, jüielıkpen jüzege asyra bıluı Astananyŋ abyroiyn asqaqtatyp, bedelın joǧarylata tüstı.
Iаǧni, 2011 jyly elordanyŋ jalpy öŋırlık önımınıŋ kölemı, aldyŋǧy jylmen salystyrǧanda, 11,9. % -ǧa ösıp, 2 trln 298 mlrd teŋgenı qūraǧan. Önerkäsıp önımınıŋ kölemı 121,4 %-ǧa artyp, 1647 mlrd teŋgege jetken.
Orta jäne şaǧyn käsıpkerlık subektılerı 887 mlrd teŋgenıŋ önımın öndırıp, qyzmet türlerın körsetken, būl 2010 jylǧy körsetkışten 4,3%-ǧa öskenın bıldıredı. Sondai-aq, negızgı kapitalǧa investisiia salyp, qūrylys nysandaryna qarjy jūmsau körsetkışterı de edäuır artqany baiqalady.
Osynau ösu tendensiiasy biyl da saqtalyp otyr. Mäselen, tūrǧyn üiler salyp, paidalanuǧa beru körsetkışınen Astana respublikada bırınşı oryndy ielenıp tūr. Sonymen qatar, şaǧyn jäne orta käsıpkerlıktı damytu, tūrǧyndardy jūmyspen qamtu, bölşek saudanyŋ ainalymyn arttyru t.b. salasynda da elorda eşkımge des berer emes.
Ainūr QARAMENDİEVA
