Astana äkımı İmanǧali Tasmaǧambetov qala äkımdıgınıŋ keŋesınde elorda künın merekeleudıŋ qorytyndylaryna baǧa berdı. «Ärkımge öz uchaskesınde atqarǧan eŋbegı üşın alǧys bıldırgım keledı. Memleket basşysy osy şaralardyŋ ötkızılu deŋgeiı jyl saiyn artyp kele jatqanyn atap ötude», – dedı äkım.
«Bız sızdermen bırge josparlanǧan barlyq 78 ıs-şarany ötkızdık. Jalpy alǧanda atalǧan şaralardy köruge jarty millionnan astam adam kelgen. Mereke künderı qalada 20 ülken konsert bolyp öttı, olarǧa 70000-nan asa bilet satyldy. 300 000 elorda tūrǧyndary men qala qonaqtary aşyq alaŋdarǧa kelıp, aralap qaitty. Astana künın ūiymdastyru jäne ötkızu, jūmystaryna 10 000-ǧa tarta adam jūmyldyryldy», – dep habarlady İ.Tasmaǧambetov.
Äkımnıŋ aituynşa, BAQ-tyŋ belsendı aqparattandyruynyŋ arqasynda bükıl eldıŋ tūrǧyndary merekelık şaralardy köre aldy. Elorda künıne 1000-nan astam BAQ ökılderı tırkelgen, sonyŋ ışınde 100-ge tarta şeteldık mediaagenttık bar. «Būl – memlekettık mereke, ol tek bızdıŋ qalada emes, bükıl elde toilandy. Elorda tūrǧyndary men osy merekenı tamaşalau üşın arnaiy kelgen meimandar barlyǧyn öz közderımen kördı. Zamanaui aqparattyq tehnologiialardyŋ arqasynda elımızdıŋ kez-kelgen tūrǧyny bız ūiymdastyrǧan merekenı qarai aldy»,– dedı ol.
Sonymen bırge, İ.Tasmaǧambetov jinalys barysynda tūrǧyn üi jäne äleumettık sala nysandarynyŋ qūrylysy, jaŋa oqu jyly men küzgı-qysqy jylu beru mausymyna daiyndyqqa bailanysty injenerlık jäne kölık infraqūrylymyn damytu boiynşa bırqatar tapsyrmalar berdı.
