ELORDADA BİZNESTIŊ DAMUY MEMLEKETTIK KIRIS DEPARTAMENTINIŊ JŪMYS SAPASYNA BAILANYSTY

Astana äkımı Ädılbek Jaqsybekov qalalyq Memlekettık kırıs departamentınıŋ ūjymymen Elbasynyŋ «Nūrly jol – bolaşaqqa bastar jol» atty Qazaqstan halqyna arnaǧan Joldauynda aitylǧan tapsyrmalardy oryndau mäselelerın talqylady dep, habarlady Astana qalasy äkımdıgınıŋ baspasöz qyzmetı.

Astana äkımınıŋ atap ötuınşe, elordanyŋ damuy «Nūrly jol» jaŋa ekonomikalyq saiasatynda aitylǧan basty erejelerge negızdeluı kerek.

Onyŋ pıkırınşe, elordanyŋ ekonomikalyq damuynyŋ maŋyzdy kezeŋderınıŋ bırı – onyŋ özın-özı qamtamasyz etu deŋgeiıne şyǧuy. 2014 jylǧy 1 jeltoqsandaǧy jaǧdai boiynşa Astananyŋ memlekettık biudjet kırısı departamentınıŋ jelısı boiynşa memlekettık biudjetke tüsım 660 mlrd teŋgeden asty, sonyŋ ışınde jergılıktı biudjetke 150 mlrd teŋgege juyq audaryldy.

– Ekonomikalyq saiasatty jaŋǧyrtu  mäse­lelerı özektı bolyp qalady jäne qazırgı kezde olardy şeşudıŋ jaŋa joldaryn ızdeu qajet. Elordanyŋ biznes klimaty tartymdy käsıpkerlerdıŋ qyzmetı men biznestı jürgızu qauıpsız jäne memleket tarapynan zaŋsyz aralasudan qorǧalǧan bolu kerek, būl osy vedomstvonyŋ jūmysyn dūrys jolǧa qoiuǧa bailanysty bolady. Astana Memleket basşysynyŋ tapsyrmalaryn oryndauda köş ılgerı bolu kerek. Mūnda bolyp jatqannyŋ barlyǧy multiplikativtık äserge ie boluy tiıs, – dep atap öttı Ä.Jaqsybekov.

Astana qalasynyŋ memlekettık kırıs departa­mentınde myŋnan astam qyzmetker jūmys ısteidı, atalǧan mekeme qalanyŋ ekonomikalyq saia­sat­tarynyŋ jaŋa qaǧidattaryn jüzege asyruda basty organdardyŋ bırı bolyp tabylady.

2015 jyly qalalyq biudjet 335 mlrd teŋgenı qūraidy. Jeke kırıster 160,8 mlrd teŋgeden astam kölemde bekıtıldı, onyŋ 90%-ǧa juyǧyn salyq tüsımderı qūraidy.

Astana äkımı Memlekettık kırıs departamentıne memlekettık qyzmetterdı ūsynu sapasyn jaq­sartudy, sonymen qatar, sybailas jemqor­lyq­tyŋ aldyn alu jäne tüsındıru jūmystaryn tūraqty jürgızudı tapsyrdy. Qala basşysy Memleket basşysynyŋ Joldauynda köterılgen bastamalar Qazaqstannyŋ astanasynyŋ tūraqty damuyn jalǧastyru üşın Memlekettık kırıs departamentınıŋ jūmysyna serpın beretını sözsız ekendıgın atap öttı.