Astanada MÄMS jüiesı boiynşa 2022 jylǧy jūmystar qorytyndylandy. «Äleumettık medisinalyq saqtandyru qory» KEAQ Astana qalasy boiynşa filialynyŋ direktory Nūrlybek Qabdyqaparov pen Astana qalasynyŋ Qoǧamdyq densaulyq saqtau basqarmasy basşysynyŋ orynbasary Berık Qaikenov arnaiy brifingte jurnalister sūraqtaryna jauap berdı.
«Äleumettık medisinalyq saqtandyru qory» KEAQ Astana qalasy boiynşa filialy arasynda 118 medisinalyq qyzmet jetkızuşımen şart jasalǧan, onyŋ 81-ı – jekemenşık klinikalar, 37-sı – memlekettık medisina ūiymdary, olardyŋ 6-y – respublikalyq. Jyl ötken saiyn tūrǧyn halyqqa medisinalyq qyzmet körsetetın jekemenşık qyzmet jetkızuşıler ülesı artuda. Būl pasienttıŋ üzdık klinikany taŋdauyna mümkındık beredı. Medisinalyq qyzmet jetkızuşıler tızımın Qordyŋ fms.kz saitynan qarauǧa bolady. Bügınde Astana qalasyndaǧy jekemenşık medisinalyq qyzmet jetkızuşıler ülesı 68,7%-dy qūraidy.
Satyp alu jospary boiynşa 2022 jyly elordada medisinalyq kömek körsetuge: TMKKK aiasynda – 115,2 mlrd teŋge, MÄMS jüiesınde 107,0 mlrd teŋge bölıngen.
2022 jyldyŋ 9 aiynda naqty oryndalǧan medisinalyq qyzmetter TMKKK aiasynda 83,7 mlrd teŋgenı qūrady, al MÄMS jüiesı boiynşa tölemge 82,8 mlrd teŋge qabyldandy.
Ota jäne stasionarda emdeu boiynşa 2022 jyly elordada ota jasau körsetkışı 3,6% östı. Tek joǧary tehnologiialyq medisinalyq kömek qoldanysy arqyly MÄMS boiynşa 17,04 mlrd teŋge somasyna qosymşa 6130 qyzmet körsetıldı.
«Aŋsaǧan säbi» baǧdarlamasy aiasynda biyl Astana qalasyna EKŪ-ǧa 514 kvota bölındı.
Äleumettık medisinalyq saqtandyru qorynyŋ Astana qalasy boiynşa filialy oŋaltu qyzmetterın körsetetın 50 medisina ūiymymen kelısımşart jasaǧan. Olardyŋ ışınde: jekemenşık – 25, memlekettık – 22, respublikalyq 3 medisina ūiymy bar.
2022 jyldyŋ 1 qaraşasyndaǧy jaǧdai boiynşa Astana qalasy boiynşa 13 mlrd 036 mln teŋge somasyna 971 875 tegın resept boiynşa 187 530 pasient tegın därı-därmekpen jäne medisinalyq būiymdarmen qamtamasyz etıldı.
Qor halyqqa körsetılgen medisinalyq qyzmetterdıŋ sapasy men kölemıne monitoringtı jalǧastyruda. Astana qalasy boiynşa 2022 jyldyŋ 10 aiynda körsetılgen medisinalyq qyzmet sapasy men kölemıne jürgızılgen türlı monitoringter boiynşa 366 029 kemşılık anyqtalyp, 1 mlrd 737 mln 298 myŋ teŋge medisinalyq ūiymdardan alyndy.
Jyl basynan berı, 2022 jyldyŋ 31 qazanyndaǧy jaǧdai boiynşa (01.01.2022-31.10.2022) Qordyŋ Astana qalasy boiynşa filialynyŋ qyzmetkerlerı 6237 ötınış qabyldap, qarastyrdy.
Eger emhana deŋgeiındegı jaǧdaidy şeşu mümkın bolmasa, emdeluşılerde medisinalyq saqtandyru qoryna kerı bailanystyŋ resmi arnalary arqyly jügınu mümkındıgı bar:
– Qoldau 24/7 mobildı qosymşasy
-@saqtandyrybot telegramboty
-1406 baĭlanys ortalyǧy
-Qordyŋ fms.kz saĭty
Qazırgı uaqytta Astana qalasy tūrǧyndarynyŋ 82%-y MÄMS jüiesınıŋ qatysuşylary bolyp tabylady. 2022 jyldyŋ 31 qazanyndaǧy jaǧdai boiynşa MÄMS jüiesıne qatysuşylar sany 1 070 887 qūrady.
2022 jyldyŋ qaŋtardan qaraşaǧa deiıngı aralyqta elordada mındettı äleumettık medisinalyq saqtandyru üşın 54,059 mlrd teŋgeden astam qarajat audaryldy. Onyŋ 30,1 mlrd teŋgesı jūmys beruşılerdıŋ audarymdaryna, al 20,2 mlrd teŋgesı qyzmetkerlerdıŋ jarnalaryna tiesılı. Bıryŋǧai jiyntyq tölem (BJT) somasy şamamen 108 mln teŋgenı qūraidy, jeke käsıpkerlerdıŋ jarnalary 2,05 mlrd teŋgenı, derbes töleuşılerdıŋ jarnalary 469 mln teŋgenı, azamattyq-qūqyqtyq şart boiynşa jūmys ısteitın qyzmetkerlerdıŋ jarnalary 1,03 mlrd teŋgenı qūraidy.
«MÄMS jüiesı mındetterınıŋ bırı – halyqtyŋ medisinalyq kömekke, onyŋ ışınde qymbat qyzmetterge töleitın şyǧynyn azaitu» deidı mamandar. Endeşe eger saqtandyrylǧan bolsaŋyz, iaǧni ai saiyn MÄMS-ke ailyǧyŋyzdan jarna tölep otyrsaŋyz myna qyzmetterdı tegın paidalana alatynyŋyzdy eskere jürıŋız:
- Aurudyŋ aldyn alu, belgılerın erte anyqtau üşın profilaktikalyq tekserulerden (skriningterden) ötu;
- Körsetkışter boiynşa KT, MRT, PET jäne t.b sekıldı qajet diagnostikalyq tekserulerden ötu;
- Salalyq mamandardan keŋes ala alu;
- EKŪ baǧdarlamasyna qatysu;
- Kündızgı nemese täulıktık stasionarda emdelu;
- Öz taŋdauyŋyz boiynşa Medisinalyq saqtandyru qorymen şart jasasqan kez kelgen medisinalyq ūiymda operasiia jasatu;
- Medisinalyq oŋaltudan ötu;
- Azamattardyŋ jekelegen sanattary üşın stomatologiialyq kömek.
Mındettı äleumettık medisinalyq saqtandyru üşın tüsken barlyq jarna audarymdary, iaǧni jinaqtalǧan qarjy, senımgerlık basqaru turaly jasalǧan kelısımşartqa säikes, Ūlttyq bankte saqtalady da, medisinalyq qyzmetter aqysyn töleuge jūmsalady. TMKKK jäne MÄMS paketterı boiynşa halyqqa körsetılgen medisinalyq qyzmetterdıŋ sapasy men kölemıne monitoring jasalyp, tekserılgennen keiın ǧana Qor jetkızuşılerıne tölem jürgızıledı.
