Elordada «nöldık tözımdılık» ūstanymyn qalyptastyru maqsatynda aşyq sot otyrysy öttı
«Qazaqstan temır joly» Ūlttyq kompaniiasynyŋ «Astana» stansiiasynda qoǧamda oryn alyp otyrǧan zaŋ būzuşylyqtarǧa «nöldık tözımdılık» ūstanymyn qalyptastyru maqsatynda aşyq sot otyrysy öttı.
Atalmyş mekeme jūmysşylarynyŋ qatysuymen ötken sot otyrysynda mamandandyrylǧan audanaralyq äkımşılık sotynyŋ sudiasy Äigerım Saduaqasova QR Äkımşılık qūqyq būzuşylyq turaly Kodeksınıŋ 434-babyna qatysty 20 äkımşılık ıs qarady. Sot otyrysynan keiın resmi organnyŋ ökılderı stansa jūmysşylarymen äŋgımelesıp, ūsaq qūqyq būzuşylyqtyŋ jauapkerşılıgı turaly tüsındırıp berdı.
«Temır jol vokzaly – elordanyŋ qaqpasy. Elımızdıŋ bas şaharyna kelgen ärbır adamnyŋ alǧaşqy äserlerı osy jerden bastalady. Tärtıp būzuşylyqqa jol bermei, qala tūrǧyndary men qonaqtarynyŋ qauıpsızdıgın qamtamasyz etu barysynda köpşılık oryndarynda terıs qylyqtar körsetıp, tärtıp būzǧandardy da nazardan tys qaldyrmaimyz.
Basty maqsatymyz – qoǧamda nöldık tözbeuşılıktı qalyptastyru. Mūndai aşyq sot otyrystary tūrǧyndardy ūsaq qūqyq būzuşylyq jasaudan tejeidı jäne ainalasyndaǧy azamattarǧa da basqa közben qarap, olqylyq oryn alǧan jerde tärtıptıŋ saqtaluyn talap etetın bolady», – deidı Saryarqa audany IIB Jergılıktı polisiia qyzmetı №20 uchaskelık polisiia punktınıŋ uchaskelık inspektory, polisiia kapitany Arnūr Mahanov.
Aigül UAISOVA
