Astana qalasy äkımınıŋ orynbasary A. Lukinnıŋ töraǧalyǧymen qala aumaǧyndaǧy veterinariialyq-sanitariialyq qauıpsızdıktı qamtamasyz etu mäselelerı boiynşa keŋes öttı. Kezdesuge sauda obektılerınıŋ basşylary, mal soiu punkterınıŋ, veterinariialyq-sanitariialyq saraptama zerthanalarynyŋ direktorlary qatysty.
Keŋes barysynda el aumaǧynda qalyptasqan jalpy epizootologiialyq ahual söz boldy.
Işkı sauda obektılerıne mal şaruaşylyǧy önımderın sauda obektısınen tys satpau jäne veterinariialyq erejelerdı qataŋ saqtau tapsyryldy.
Aita keteiık, elordadaǧy 14 bazardyŋ ärqaisysynda mal şaruaşylyǧy önımderıne saraptama jürgızetın veterinariialyq zerthana jūmys ısteidı.
Sondai-aq, sauda oryndarynda, mamandandyrylǧan oryndarda (et dükenı, supermarketterdegı et bölımderı, minimarketterı, qoǧamdyq tamaqtandyru oryndary) veterinariialyq-sanitariialyq talaptardy saqtau boiynşa monitoring jürgızılmek. Sonymen qatar, Jergılıktı polisiia qyzmetkerlerı beketterde baqylaudy küşeitedı jäne qajet bolǧan jaǧdaida, veterinariialyq baqylau qyzmetkerlerımen bırlesıp tärtıp būzuşylarǧa qatysty qataŋ şaralar qoldanatyn bolady.
Būl jaǧdai memlekettık organdardyŋ jüielı baqylauyna alyndy.
astana.gov.kz
