Astana qalasynda biylǧy jyldyŋ alǧaşqy toqsanynda elımız boiynşa jūmyssyzdyqtyŋ eŋ tömengı deŋgeiı tırkeldı.
Astana qalasynyŋ äkımı Ädılbek Jaqsybekov qala tūrǧyndarymen ötkızgen dästürlı kezdesu barysynda elordada jaŋa jūmys oryndaryn qūruǧa erekşe maŋyz berıletının atap aiqan edı. Osy baǧytta keşendı ıs-şaralar qolǧa alynǧan. Jūmyssyzdyqpen küresudıŋ belsendı şaralaryn qoldanudyŋ arqasynda jūmyssyzdyq deŋgeiı 4,7 paiyz mejedegı tömen küiınde saqtalyp qaldy.
Astana qalasynyŋ Jūmyspen qamtu, eŋbek jäne äleumettık qorǧau basqarmasynyŋ mälımetı boiynşa, osydan ekı jyl būryn, iaǧni, 2014 jyly elordada jūmyssyzdyq deŋgeiı 5,1 paiyzdy körsetse, byltyrǧy jyly 4,7 paiyzǧa qol jetkızıp, üstımızdegı jyldyŋ alǧaşqy toqsanynda da osy mejeden şyǧyp, respublika boiynşa halyqty jūmyspen qamtu jönındegı joǧarǧy körsetkıştı saqtap qalǧan.
Osylaişa, bügıngı künı Astanada jūmyssyzdyqtyŋ eŋ tömengı deŋgeiı qalyptasyp otyr. Qala äkımdıgınıŋ osy rettegı ıs-äreketterı būl körsetkıştı älı de tömendetuge, iaǧni, jūmyssyzdar sanyn qysqartuǧa baǧyttalatyn bolady. Elordanyŋ eŋbek naryǧynda «2016 jylǧa arnalǧan Astana qalasy halqyn jūmyspen qamtudy qamtamasyz etudıŋ Keşendı jospary» ıske asyryluda. Būl joba jūmyssyz azamattardy jäne halyqtyŋ nysanaly toptaryn jūmyspen qamtudy qamtamasyz etuge negızdelgen. Osy maqsatta bos oryndar järmeŋkesı jiı ötkızıle bastady. Sonymen qatar jūmys järmeŋkelerıne mümkındıgı şekteulı tūlǧalar da belsendı qatysuǧa mümkındık alyp otyr.
Aǧymdaǧy jyldyŋ ötken tört aiynyŋ qorytyndysy boiynşa, Astanada 6 415 jaŋa jūmys oryndary ūiymdastyryldy. Är ai saiyn Astana qalasynda bos oryndar kölemı artyp keledı. Aǧymdaǧy jyldyŋ basynan bastap, Jūmyspen qamtu ortalyǧyna 4 900 adam jügıngen bolatyn, olardyŋ qatarynan 2 246 adam jūmysqa ornalastyryldy.
Tüptep aitqanda, talpynǧanǧa Astanada jūmys tabylady demekpız.
