Elordalyq därıgerlerdıŋ därejesı erekşe
Är mausymnyŋ üşınşı jeksenbısınde elımız medisina qyzmetkerlerınıŋ käsıbi merekesın atap ötedı. Osy atauly künge orai keşe Astana qalasy äkımınıŋ orynbasary Ermek Amanşaevtyŋ töraǧalyǧymen saltanatty jiyn öttı. Oǧan Densaulyq saqtau jäne äleumettık damu ministrınıŋ bırınşı orynbasary Salidat Qaiyrbekova, Mäjılıs deputaty Nadejda Petuhova qatysty.
Jiyndy aşqan Ermek Ämırhanūly barlyq medisina qyzmetkerın töl merekesımen qūttyqtap, eŋbekterıne jemıs tıledı. Äkım orynbasarynyŋ aituynşa, elordalyq densaulyq saqtau jüiesıne jüktelıp otyrǧan jauapkerşılık ülken. Bas qalanyŋ medisinasy qai jaǧynan da alda boluy kerek. Elbasynyŋ özı būl salaǧa erekşe köŋıl bölıp otyr. Sondyqtan, medisina qyzmetkerlerı astanalyq deŋgeige sai eŋbek etıp, özge öŋırlerge ülgı boluy qajet.
Öz sözınde äkım orynbasary Astanaǧa ünemı yqylas tanytyp, qandai jūmystaryna da qoldau bıldırıp jüretın Densaulyq saqtau jäne äleumettık damu ministrlıgıne alǧysyn aita otyryp, aldaǧy uaqytta da qala äkımdıgı men ministrlıktıŋ arasyndaǧy ärıptestık arta tüsetınıne senım bıldırdı.
Būdan keiın söz Parlament Mäjılısınıŋ deputaty N.Petuhovaǧa berıldı. Ol bas şaharda tūrǧyndardyŋ densaulyǧyn nyǧaitu üşın qyruar şarualar atqarylyp jatqanyna toqtalyp, Astanany «el medisinasynyŋ avangardy» dep atady. «Osydan jiyrma jyldai būryn qala medisinasy qandai edı? Mysaly, men qalalyq mäslihattyŋ deputaty bolǧan 1999 jyly densaulyq saqtau salasynyŋ biudjetı nebary 101 mln teŋge bolǧan edı. Al qazır onyŋ kölemı 40 mlrd teŋgege jettı. Būl – elordanyŋ kadrlyq äleuetı, materialdyq-tehnikalyq bazasy, basqa da äleumettık-ekonomikalyq ahualy eselep artty degen söz. Bır ǧana mysal, elorda tūrǧyndarynyŋ ömır süru ūzaqtyǧy özge öŋırlerden köş ılgerı. Mūnyŋ özı medisinamyzdyŋ qarqyndy damuynyŋ körsetkışı» dedı ol.
Densaulyq saqtau jäne äleumettık damu ministrınıŋ bırınşı orynbasary S.Qaiyrbekova adamnyŋ densaulyǧy men ömırı üşın küresken därıgerlerdıŋ tynymsyz eŋbegın däiektı derektermen aişyqtady. Elımızdıŋ därıgerlerı adamnyŋ jany üşın aq ter, kök ter bolyp, täulıgıne ekı myŋ operasiia jasaidy. Qazaqstandyq jedel järdem stansalary kündız-tünı bır tynbai, künıge 18 myŋ şaqyruǧa qyzmet körsetedı. Al perzenthanadaǧy aq halattylar täulıgıne orta eseppen 1 myŋ äieldı bosandyryp alady. Salidat Zekenqyzynyŋ aituynşa, būl körsetkışterdıŋ özı – densaulyq saqtau jüiesınıŋ ülken bır industriia ekenın däleldeidı. «Astananyŋ
medisinasyna qoiylyp otyrǧan talap joǧary. Jaqsy därıgerler de, myqty materialdyq-tehnikalyq baza da, jaŋa tehnologiia da, üzdık innovasiialyq täsılder de elordada boluy kerek. Keleşekte bas qala Qazaqstannyŋ tükpır-tükpırınen ǧana emes, şetelden de ızdep kelıp emdeletın ozyq medisinalyq alaŋǧa ainaluy tiıs. Osyndai deŋgeige jetkızuge medisina qyzmetkerlerı sızder üles qosuǧa tiıssızder» dedı ministrdıŋ bırınşı orynbasary.
Jiynda qalalyq mäslihat hatşysy Sansyzbai Esılov, elordalyq Densaulyq saqtau basqarmasyna jaŋadan basşy bolyp kelgen Erık Baijünısov, Ūlttyq ǧylymi-medisinalyq ortalyqtyŋ bas direktory, mäslihat deputaty Abai Baigenjin söz söilep, medisina qyzmetkerlerıne jyly lebızın bıldırdı.
Būdan keiın üzdık medisina qyzmetkerlerınıŋ eŋbekterı elenıp, ministrlık pen qala äkımdıgı tarapynan qūrmettı marapattarǧa ie boldy. Elordanyŋ jetı därıgerı «Densaulyq saqtaudy damytuǧa qosqan ülesı
üşın» tösbelgısımen marapattaldy. Al, altauy «Densaulyq saqtau ısınıŋ üzdıgı» atandy. On üş aq halatty densaulyq saqtau jäne äleumettık damu ministrı men Astana qalasy äkımınıŋ Qūrmet gramotasy men alǧys hatyna ie boldy.
Medisina qyzmetkerlerın käsıpodaq ūiymdary da nazardan tys qaldyrǧan joq. QR densaulyq saqtau qyzmetkerlerı käsıpodaǧynyŋ Astana qalalyq filialynyŋ töraǧasy Baqytjan Täjıbai aq halattylardy yntalandyru üşın jyl saiyn olardyŋ ışınen üzdıkterdı anyqtap, materialdyq jaǧynan qoldap otyratynyn jetkızdı. Būl baiqau biyl tört atalym boiynşa ötıptı. Qatysuşylardyŋ ışınen №2 qalalyq balalar auruhanasynyŋ hirurg-därıgerı Aǧabek Chikinaev ärtıptesterınen ozyp şyǧyp, eŋ üzdık därıger atandy. Al №1 qalalyq auruhananyŋ meiırbikesı Baǧlan Älkenova «Üzdık meiırbike» nominasiiasynda bırınşı oryndy jeŋıp aldy. Üzdık feldşer ataǧyn Respublikalyq sanitariialyq aviasiianyŋ mobildı brigadasynyŋ feldşerı Bolat Şärıpov enşılese, №4 qalalyq emhananyŋ bas därıgerı Serık Şaimerdenov üzdık menedjer densaulyq saqtaudy ūiymdastyruşysy retınde tanyldy.
Qymbat TOQTAMŪRAT