Astana qalasy tötenşe jaǧdailar departamentı Jergılıktı polisiia qyzmetımen bırlesıp, su qoimalarynda tötenşe jaǧdailardyŋ aldyn aluǧa baǧyttalǧan tüsındıru jūmystaryn jürgızude. Reidter är demalys saiyn tūraqty türde ūiymdastyrylady. Qūtqaruşylar jazǧy şomylu mausymyn qauıpsızdık tehnikasyn tüsındıruden bastaidy. Ötken demalysta 1,5 myŋǧa juyq qala tūrǧyny qamtyldy.
Jyl saiyn şomylatyn jerlerde qauıpsızdık pen qūqyqtyq tärtıptı qamtamasyz etudıŋ ıs-şaralar jospary äzırlenedı. Elordalyq qūtqaruşylardyŋ maqsaty elorda tūrǧyndaryn sudaǧy qauıpsızdık şaralarymen tanystyru, sonymen qatar, suǧa tüsetın oryndarda tärtıp erejelerın saqtauǧa şaqyru bolyp tabylady.
Şara barysynda Qazaq GZU aumaǧyndaǧy köpırler men «Gazmaşapparatura» baqşa qoǧamdastyǧynyŋ audany täuekel aimaqqa jatatyny anyqtaldy. Osyǧan bailanysty tyiym salatyn jäne eskertetın 30 juyq belgı qoiyldy.
Reid kezınde qūtqaruşylar oquşylarǧa basa nazar audardy.
astana.gov.kz
