Jaŋalyqtar

Elordalyq üleskerlerdıŋ üiı üzdıktırmeidı

 Astana qalasy äkımınıŋ bırınşı orynbasary Sergei Horoşunnyŋ töraǧalyǧymen ülestık qatysu mäselelerı boiynşa vedom­stvoaralyq  komissiianyŋ  kezektı  otyrysy öttı.

01

Jiynda ülestık salaǧa bailanysty özektı mäseleler keŋırek qozǧaldy. Aitalyq, «ASSM-01» JŞS nysany boiynşa kompaniianyŋ bas direktory «Aq Erke-2» jäne «Altyn būlaq» TK qūrylysyn jalǧastyru üşın qytailyq
investorlardan tranştyŋ tüskenın jetkızdı. Onyŋ aituynşa, «Altyn bū­laq» TK qūrylysy 2017 jyldyŋ II toq­­sanynda, «Medina» tūrǧyn üi keşenı aldaǧy 1 qazanǧa deiın, «Qorǧaljyn kvartaly» 1 jeltoqsanǧa deiın, «Aq Erke-2» 30 qazanǧa deiın aiaqtalmaq.
Sonymen bırge, qūryltaişynyŋ der kezınde qarjylandyrmauynyŋ saldarynan «Obereg» JŞS-ne tiesılı «Obereg» tūrǧyn üi keşenınıŋ qūrylysy baiau jürgızılude. Jobalauşy kompaniianyŋ mälımetınşe, 1 qyrküiekke deiın injenerlık jelıler boiynşa joba «Memlekettık saraptama» RMK qarauyna ūsynylady.
Sondai-aq, «Arabi-1», Arabi-2», «Samal» TK-ne («Kvartiry NS» JŞS) qatysty komissiianyŋ kömegımen jaŋa saluşy-investor anyqtaldy.
«Arabi-1» tūrǧyn üi keşenınıŋ 80 paiyzy daiyn. Komissiia müşelerı üles­kerlerge «Arabi-1» tūrǧyn üi keşenı qūrylysyn bıtıru jäne nysandy tapsyru üşın qūrylǧan TQK paidasyna beru turaly sotqa talap-aryz berudı ūsyndy.
Atalǧan komissiia jūmysynyŋ qory­tyndysy jäne onyŋ ūsynystary boiynşa Astana qalasynyŋ äkımdıgı «Territoriia komforta-1» tūrǧyn üi keşenınıŋ nysanyn jobalauǧa rūqsat berdı. Al «Future Home Astana» tūrǧyn üi keşenı jäne «Esıl EK» tūrǧyn üi keşenı qūrylysy jūmys jobalarynyŋ saraptamasy bolma­ǧandyqtan toqtatyldy. Qazırgı taŋda oǧan qajettı saraptama kelısımnen ötkızılude.
Komissiia otyrysynda qalada salynyp jatqan ärbır qūrylys nysany nazardan tys qalǧan joq. Jiynda köterılgen mä­sele­lerdıŋ barlyǧy komissiianyŋ baqylauynda bolmaq.

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button