Elordalyqtarǧa – «Jūldyzdy» pandus
«MUZ –TV.Gravitasiia» premiiasyn tabystau qarsaŋynda «A-Ctudio» toby men «dara» qory bırlesıp, «Arai» saiabaǧynda mümkındıgı şekteulı jandardyŋ jürıp-tūruyna yŋǧaily pandustyŋ tūsauyn kestı. Şara barysynda «A-Studio» toby elordalyqtarǧa «Kedergısız orta üşın» dep taŋbalanǧan eskertkış taqtany tartu ettı. Jiynǧa Muz-TV telearnasynyŋ bas direktory Arman Däuletiiarov qatysyp, jūrtşylyqqa jyly lebızın bıldırdı.
Aituly şara aiasyndaǧy qaiyrymdylyq basqosularǧa ūiytqy bolyp otyrǧan qazaq azamaty Arman Däuletiiarovtyŋ aituynşa, mümkındıgı şekteulı jandarǧa qoldau körsetu, olardyŋ qoǧamǧa beiımdelıp ketuıne jaǧdai jasau – är adamnyŋ azamattyq boryşy. Mügedek jandar eşqaşan ortadan tysqary ömır sürmeuı kerek. Olar da basqalar siiaqty, talanty men talabyn ūştap, oi-armanyn jüzege asyruǧa qūqyly. Bügıngı şara maqsaty äleumettık qoldauǧa mūqtaj balalardyŋ jaǧdaiyna qoǧamnyŋ nazaryn audaru. Olardyŋ erkın jürıp-tūruyna pandustardyŋ kömegı köp ekendıgın atap ötken Arman Däuletiiarov «Arai» saiabaǧynda aşylyp otyrǧan estrada jūldyzdarynyŋ estelık alaŋqaiy elordalyqtardyŋ tynyǧuǧa keletın jaily ornyna ainalatynyna senım bıldırdı.
On jyl boiy qaiyrymdylyqpen ainalysyp kele jatqan «Dara» qaiyrymdylyq qory soŋǧy ekı jyl ışınde elımızdıŋ ärtürlı aumaqtarynda ornalasqan 6 tüzetu ortalyǧynda jöndeu jūmystaryn jürgızıptı. Būl ortalyqtardyŋ bärı pandustarmen qamtamasyz etılıp, arbaǧa taŋylǧan balalardyŋ qozǧalysyna qolaily jaǧdai jasaǧan.
Saltanatty şaraǧa Esıl audanynyŋ äkımı Säbila Mūstafina, «Dara» qaiyrymdylyq qorynyŋ qūryltaişysy Gülnär Dosaeva, «A-Studio» tobynyŋ änşısı Baiǧali Serkebaev qatysyp, söz söiledı.
Tūsaukeser räsımınde №2 Astana qalasyndaǧy muzykalyq mektebınıŋ «Bäiterek» aspaptar ansamblı, halyqaralyq sporttyq baldyŋ jüldegerlerı önerımen şaşu şaşty.
Aitpaqşy, būl künı arbaǧa taŋylǧan bişı qyzdar myŋ būrala biledı. Olarǧa taŋdana qarap qalǧan kışkentai qyzdy sözge tarttyq. Özın Möldır dep tanystyrdy. Ol arbaǧa taŋylǧan balalardyŋ bi bilegenın alǧaş ret körıp, erekşe taŋdanyp otyrǧanyn jasyrmady. «Bidı qatty jaqsy köremın. Bıraq bi bileu menıŋ jaǧdaiymda mümkın emes dep oilaityn edım. Al qazır özım siiaqty arbada otyrǧan qyzdardyŋ bilegenın körgennen keiın de bilegım kelıp kettı. Üige bara salysymen qolǧa alamyn» dedı ol quanyştan jüzı bal-būl janyp.
Osyǧan qaraǧanda qaiyrymdylyq qorlaryna ūiytqy bolyp jürgen qazaq azamatynyŋ «mügedekterdıŋ de talantyn ūştauǧa bolady» degen oi-tılegı oryndalǧan da siiaqty…
Qymbat NŪRǦALİ
DİANA DARYNDYLARDY FESTİVALǦA ŞAQYRDY
Reseilık änşı Diana Gurskaia qalamyzdaǧy №71 mektep-liseiınde zaǧip balalarǧa arnalǧan qaiyrymdylyq keşıne qatysty.
Basqosu barysynda änşı mūndaǧy balalarǧa riiasyz süiıspenşılıgın jetkızdı. Aldymen yqylas qoiyp, olardyŋ önerın tamaşalady. Bırı pianinoda oinasa, ekınşısı älemge tanymal estrada jūldyzdarynyŋ änderın oryndap, özderımen taǧdyrlas qonaqty quanyşqa böledı. Balǧyndardyŋ önerıne täntı bolǧan Diana da solarǧa qosylyp, än saldy.
Änşınıŋ özımen bırge än salyp tūrǧanyna senbegen bır bozbalanyŋ oqys qoiǧan sūraǧy zalda otyrǧan ūstazdar men qalyŋ köpşılıktıŋ köŋılın bosatty. «Diana, būl sız be?» dep qaita-qaita änşınıŋ qolynan ūstai bergen edı älgı bala… Änşı Diana da özıne äbden tanys sezımderdı bastan keşıp jatqan balaǧa bar mahabbatyn, jan jyluyn jetkızu üşın meiırlenıp, qūşaǧyna tarta tüstı.
Osy kezdesu kezınde balalar Dianaǧa öz kökeilerındegı sūraqtaryn qoiuǧa erkın äŋgımege jol aşylǧan tūsta: «Sızdıŋ közıŋız nege tuǧannan körmeidı?» dep sūrady bır bala. Änşı būl sūraqqa: «Būl – taǧdyr, oǧan moiynsūnu kerek» dep jauap berdı.
Sodan soŋ: «Men būl balalardyŋ jaǧdaiyn jaqsy tüsınemın. Kezınde menı de ata-anam Tbilisidegı zaǧip balalarǧa arnalǧan arnaiy mektep-internatta oqytty. Öte aryq, kıp-kışkentai qyz bolatynmyn. Eşqaşan özgelerge köz jasymdy körsetken emespın. Alǧaş internatqa aparǧan kezde ata-anam «Diana, jylap tūrsyŋ ba?» dep sūraǧan edı. Men senımdı türde «joq» dep jauap qattym. Şyn mänınde jandüniem bosap, üige qaitqym kelıp tūrǧan edı. Ömır maǧan köp närse üirettı. Jaryq dünienı bır köru baqyty būiyrmasa da, ömır maǧan janaşyr jandardyŋ qamqoryn sezınu baqytyna böledı. Bügın, mıne, özderıŋız siiaqty taǧy da bır janaşyr jandarmen kezdesıp tūrmyn. Men baqyttymyn» dedı ärı qarai Diana.
Būdan soŋ balalardyŋ bırı änşıden qai kezden än aita bastaǧanyn sūraǧan. «Ol esımde joq. Äiteuır, bala künımnen muzykany jaqsy köretınmın. Al sahnaǧa alǧaş ret 10 jasymda şyqtym. Tbilisi filarmoniiasynyŋ solisı İrma Sohadzemen duet oryndadym» dep jauap berdı.
Būl keşte Diana Gurskaianyŋ aldynda än salǧan balalardyŋ arasynda dauy-synan ülken önerdıŋ qūdıretı sezılgen daryndy qazaq balalary da bolǧan. Jas talanttardyŋ aiaq alysyna täntı bolǧan reseilık änşı olardy özınıŋ bes jyldan berı ötkızıp kele jatqan «Belaia trost» festivalıne şaqyrdy. Būl halyqaralyq baiqau änşınıŋ mügedek balalardy qoldau maqsatynda qolǧa alǧan jobalardyŋ bırı bolatyn.
Sonymen qatar, balalarǧa «Muz-TV 2015. Gravitasiia» syilyǧyn tabystau saltanatynda änşımen bırge qyzyl kılemde jürıp ötu mümkındıgı berıletını aityldy.
Jūldyz JAQYPOVA,
Euraziia Ūlttyq universitetınıŋ 1-kurs studentı
SEDAKOVA – SAUYQTYRU SABAǦYNDA
Elordadaǧy №1 Tüzetu kabinetındegı «Nätijelı oŋaltu» sabaǧyna ataqty Anna Sedakova keldı.
Şara maqsaty – mümkındıgı şekteulı, ata-anasynyŋ qamqorlyǧynan aiyrylǧan balalarǧa öner jūldyzdarymen jüzdesuge mümkındık beru, sonymen qatar, qoǧam nazaryn äleumettık qoldauǧa mūqtaj jandar mäselesıne audaru. Emdık dene tärbiesı sabaǧyna №1 Tüzetu kabinetıne baryp jürgen baldyrǧandarmen Marjan Arapbaeva, Anna Sedakova syndy äigılı änşıler qatysty. Nūsqauşy dūrys kelbettı saqtaityn, būlşyq etterdı nyǧaitatyn jeŋıl jattyǧular keşenın körsettı. Sonymen qatar änşıler osydan bırneşe jyl būryn «Dara» qorynyŋ demeuımen aşylǧan Tüzetu kabinetınıŋ jūmysymen tanysty. Būl jerde mamandar estu jäne söileu qabıletınde kemşılıgı bar balalarmen jūmys jasap, olardy mektepke baruǧa daiyndaidy.
Bes jastaǧy Polina Andriiaşenkonyŋ anasy Iýliia: «Tüzetu kabinetındegı jattyǧulardyŋ, sonyŋ ışınde emdık jäne dene tärbiesınıŋ arqasynda menıŋ qyzym köp özgerıske qol jetkızdı, cöileu qabıletı jaqsaryp, qozǧalys ikemı damydy. Polinanyŋ özıne degen senımı artyp, alǧaşqy dos-tary paida boldy. Damuynda kedergı bar balalarǧa arnalǧan ortalyqtar sany köp boluy tiıs» dedı.
Marjan men Anna böbekterge zor densaulyq tılep, oqularyna tabysty bolsyn aitty. Balalar estrada jūldyzdaryna qolöner būiymdaryn syilady.
Janbota DÄRMENQŪL
ARMAN ALǦA JETELEIDI
Resei estrada jūldyzdary Sati Kazanova men Arsenium sal auruyna şaldyqqan jäne jüikesı zaqymdanǧan baldyrǧandarǧa arnalǧan №64 «Asyl böbek» balabaqşasynda boldy.
Osydan üş jyl būryn aşylǧan auyr keselı bar säbilerdı oŋaltu jäne olardyŋ oi-örısın damytuǧa arnalǧan mekemede 180-ge juyq bala tärbielenıp jatyr eken. Mūnda böbekter jan-jaqty daiyndyqtan ötken soŋ orta bılım beretın mektepte oquǧa mümkındık alady. Mūnda tärbielenuşılerge psihologiialyq-pedagogikalyq kömek körsetu üşın barlyq jaǧdai jasalypty. Qonaqtar balalardyŋ salǧan suretterın, qoldarymen jasaǧan türlı būiymdarynyŋ körmesın tamaşalady. Märtebelı meimandar säbilerge jyly yqylastaryn bıldırıp, estelıkke suretke tüstı. Balabaqşanyŋ önerpazdary da qarap qalmady. Aiaulym Alpysbaeva än salyp, bişıler toby myŋ būraldy, al Saşa Groholskaia şyǧys biın oryndap, Sati siiaqty änşı bolǧysy keletının aitty.
Muz-TV premiiasy men «Dara» qorynyŋ bırlesken äleumettık aksiiasynyŋ aiasynda ötken şaranyŋ maqsaty qoldauǧa mūqtaj nauqas säbiler mäselesıne qoǧam nazaryn audaru bolyp tabylady.
Aigül UAISOVA
«Bız inkliuzivtı qoǧam üşın»
Oquşylar saraiynda aqparattyq tehnologiia pänınen ötken aşyq sabaqta №65 mekteptıŋ tüzetu jäne inkliuzivtı synyptarynda bılım alatyn, tırek-qozǧalys apparattarynda aqauy bar jäne serebraldy sal auruyna şaldyqqan balalar reseilık «Gradusy» tobynyŋ müşelerımen jüzdestı.
Qysqa şeberlık sabaq şeŋberınde oquşylar baǧdarlamalauşylar kım ekenın, baǧdarlamalaudy üirenu neden bastalatynyn jäne osy salada qalai jetıluge bolatynyn üirenıp-bıldı. Aşyq sabaqtyŋ maqsaty balalardyŋ osy mamandyqqa qyzyǧuşylyǧyn tudyryp, bolaşaǧy bar mamandyqqa qol jetkıze alatynyn körsetu boldy.
Şara barysynda «ŞAG» akademiiasynyŋ mamandary jetkınşekterdı baǧdarlamalau jäne robot qūrastyrumen tanystyrdy. Qatysuşylar osy jūmystarmen tanysyp qana qoimai, robot qūrastyruǧa da atsalysty. Qūrastyrudan soŋ balaqailar robottardy özderı basqaryp, jarys ötkızdı. Jeŋımpazdar reseilık «Gradusy» tobynyŋ müşelerımen jarysty. Jūldyzdarmen jüzdesu balaqailarǧa tosyn syi bolyp, orasan zor äser qaldyrdy.
Şara soŋynda jeŋımpazdar men barlyq qatysuşylar gramotalarmen marapattalyp, syilyqtarǧa ie boldy. Sondai-aq, süiıktı oryndauşylarymen estelıkke suretke tüstı.
Şyraq BAIKENOVA,
L.Gumilev atyndaǧy EŪU jurnalistika jäne saiasattanu fakultetınıŋ II kurs studentı
ÖMIRGE QŪŞTARLYQ ÖRNEKTERI
«Hanşatyr» sauda oiyn-sauyq ortalyǧynda Resei men Qazaqstan estrada jūldyzdary qamköŋıl balalarǧa quanyş syilady.
Şarada esımı elge belgılı jūldyzdar än şyrqap, bi bilep oiyn-sauyq ortalyǧynyŋ sänın kırgızdı. Arbaǧa taŋylsa da, zaǧip ǧūmyr keşse de ömırge degen qūştarlyǧy suymai, jıger men qairatyn körsetken jandardyŋ önerın tamaşalaǧan jūrt qol şapalaqtap, ynta-peiılın bıldırıp jatty. «DARA» qaiyrymdylyq qorynyŋ joba üilestıruşısı Ainūr Aimuzina: «Balalardyŋ qandai da bır kemıstıgı bolsa da, olar tumysynan daryndy, talantty. Olardyŋ denı sau ärbır adamnan eşqandai kemdıgı, älsızdıgı joq ekenın osyndai jobalar körsetedı» dedı. Joba üilestıruşınıŋ aitqany aidai aqiqat ekenın şaraǧa kelgen köpşılık öz közderımen kördı.
«MENIŊ QOLYMNAN KELEDI!»
Jyldyŋ aituly şarasynyŋ reseilık meimandary «Vremia i Steklo» toby, Bianka jäne jergılıktı «Tekila» tobynyŋ müşelerı qaladaǧy arnaiy tüzetu mektep-internatynda bolyp, «ArtSportFest-2015» atty öner men sport festivalıne qatysty.
«Menıŋ qolymnan keledı!» degen ūranmen ötken balalar merekesınde säbiler türlı saiystarǧa tüsıp, eptılıgı men önerın ortaǧa saldy. Al «Bambino» balmūzdaq satu jelısı tättı dämın tegın taratty.
Mektep-internatta damuynda azdaǧan tejeuı bar, autizm, sal auruyna şaldyqqan jetkınşekter bılım aluda. Mūnda olardyŋ şyǧarmaşylyq qabıletterın damyta otyryp, qoǧamǧa beiımdeluıne, ömırden öz ornyn aluyna küş salady. Mekeme direktory Baqyt Ämrina aitqandai, «mümkındıgı şekteulı balalardyŋ talanttaryn aşuǧa arnalǧan mūndai şaralardyŋ ūiymdastyryluy olardyŋ özderıne senımı artyp, öz küşıne senuge mümkındık beredı. Tek balanyŋ tılın tauyp, onyŋ erık-jıgerı men mümkındıkterın dūrys baǧyttai bılse bolǧany».
Aigül UAISOVA
«ŞEKSIZ BAILANYS» ŞERUI
Būl fleş-mob mümkındıgı şekteulı jandardy belsendı ömır süruge şaqyrdy.
Resmi derek boiynşa, elımızde mümkındıgı şekteulı 650 myŋǧa tarta adam ömır sürude. Olardyŋ ömırge belsene aralasuy üşın jäne de Qazaqstanda inkliuzivtı, iaǧni, jalpyǧa ortaq qoǧamdy qūru üşın «Şeksız bailanys» atty fleş-mob ūiymdastyryldy.
Aituly ıs-şara M.Ötemısov atyndaǧy oquşylar saraiy aldynda, aşyq aspan astynda ötkızıldı. Qala tūrǧyndaryn belsendı ömır süruge şaqyru maqsatynda zamanaui bi qimyldary körsetıldı. Jinalǧan qauym arasynda bi şeruı ūiymdastyrylyp, jeŋımpazdarǧa syilyqtar ülestırıldı. Fleş-mob aiaqtalǧan soŋ köpşılık aldynda äleumettık aksiianyŋ arnaiy qonaqtary, Reseidıŋ ataqty jūldyzdary M-BAND pen VİA Gra toby öner körsettı.
Äigerım BEISENBEKQYZY,
L.Gumilev atyndaǧy EŪU I kurs studentı
IZGILIKTI ŞARA İGILIGI
«Bız inkliuzivtı qoǧam üşın» ūranymen elordadaǧy №65 mektep-gimnaziianyŋ inkliuzivtı synyptarynyŋ oquşylary arasynda reseilık änşı Mitia Fomin men qazaqstandyq belgılı telejürgızuşı Aigül Mükeidıŋ qatysuymen «Eresekterge arnalǧan 10 saual» atty tok-şou öttı.
Atalǧan oqu ordasynda mümkındıgı şekteulı balalarǧa öz qatarlarymen bırge tolyqqandy bılım aluǧa barlyq jaǧdai jasalǧan. Mūnda erekşe balalar üşın defektolog-mamandar jäne balamaly oqu baǧdarlamalary engızılgen. Mektepke bırneşe jyldan berı «Dara» qory qaiyrymdylyq körsetıp keledı. Aituly şarany – Aigül Mükei jürgızdı. Äsırese, balalar reseilık änşı Mitia Fominge: «Kımnıŋ pıkırı sız üşın qūndy?», «Kımdı ülgı tūtasyz?» «Qoǧamda adamdar bır-bırıne tözımdı bolu üşın ne ısteu kerek?» degen özderın tolǧandyryp jürgen saualdaryn qoidy. Änşı de är jetkınşektıŋ sūraǧyna tolymdy jauap berıp otyrdy. Şou deŋgeiınde ötken keş öte äserlı boldy. Balalar äsem äuen yrǧaǧymen bilep, köŋılderın köterdı. Qyzyqty sūraq qoiǧandarǧa syilyqtar tabys etıldı.
– Bügın mektebımızde äserlı şara ötude. Äsırese, ol balalar üşın qyzyqqa toly bolyp otyr. Mümkındıgı şekteulı balalardy jalpy bılım beru jüiesıne tartu üşın jan-jaqty jaǧdai jasau qajet. İnkliuziia degenımız – balalardyŋ bır synypta bırge otyruy ǧana emes, olardyŋ özara tüsınıstık jaǧdaiynda ömır süruıne mümkındık jasau. Sondyqtan osyndai ızgı şaralardyŋ köp bolǧanyn qalaimyz, – deidı №65 inkliuzivtı mektep direktorynyŋ orynbasary Rauan Baqyt.
Azamat ESENJOL
