Qala men Sala
ENERGETİKTER TILIMIZDEN QUAT ALDY
Astana-aimaqtyq elektrjelılık kompaniiasy «Tıl – tatulyq tıregı» atty şara ötkızdı.
Şara dästürımızge sai şaşumen bastaldy. Myŋnan asa adam qyzmet jasaityn ūiymda qazaq tılın bıletın adamdar barşylyq eken. Mäselen, Andrei Pyşinskii, Sergei İsraelian, Aleksandr Belon syndy qyzmetkerler qatysqan qoiylym soǧan anyq köz jetkızdı. Dina Qapiiatova tartqan Qūrmanǧazynyŋ küilerın jinalǧandar süisıne tyŋdady.
O.Orlova, S.Baimaǧanbetova, A.Jaqypova, O.Rusak, G.Mūhatova, Ǧ.Bektasova, R.Köşımbaeva, M.Älıbekova, J.Baiahmetbai bilegen «Qara jorǧa» biı merekege qatysqandardy qyzdyra tüstı. Ūlt pen ūltty jaqyndastyratyn, tılımız ben salt-dästürımızdı qūrmetteuge tärbieleitın şara qazaq tılı – qazaqstandyqtardy ūiystyruşy faktor ekenın däleldedı. Energetikter tılden de quat aluǧa bolatynyna sendı.
Amanǧali QALJANOV