Memleket basşysy Nūrsūltan Nazarbaev üstımızdegı jyl dyŋ 19 nauryzynda Qazaqstan halqy assambleiasynyŋ XXII sessiiasyn şaqyru turaly ökımge qol qoiyp, onyŋ tarihi maŋyzyna erekşe män berdı. Būl sessiiany ötkızu merzımı 23 säuırge belgılengen.
Elbasy töraǧalyq etetın Assambleianyŋ būl sessiiasynyŋ kün tärtıbınde qaralatyn «Mäŋgılık El: bır el-bır taǧdyr» taqyrybyna säikes, Qazaqstandaǧy ışkı saiasi tūraqtylyq, ūltaralyq, konfessiiaaralyq bırlıktı nyǧaitu men qoǧamdyq-saiasi kelısım mäselesı qaralady dep kütılude. Jalpy, el damuynda etnikaralyq bırlıktıŋ alatyn orny erekşe. Qazaqstan öz täuelsızdıgınıŋ 23 jyl bederınde osyny basty ūstanymǧa alyp, eldıŋ äleumettık-ekonomikalyq äleuetınıŋ jaqsaruyna barynşa yqpal jasady. Osy arqyly damyǧan otyz eldıŋ qataryna kıru maqsatyn közdep otyr. Būǧan tolyq mümkındık bar dep senımmen aita alamyz.
Ötkenge nazar audarar bolsaq, 2014 jyldyŋ 18 säuırınde ötkızılgen Qazaqstan halqy assambleiasynyŋ sessiiasynda 2015 jyldy Qazaqstan halqy assambleiasy jyly retınde qarastyru bastamasy köterılıp, ol jönınde forum ötkızu turaly şeşım qabyldandy. Anyǧynda, Assambleia özınıŋ qalyptasu kezeŋınen bırqatar igı ısterdı jüzege asyryp, etnikaralyq tūraqtylyqty qalyptastyrǧan, Qazaqstandaǧy 130 ūltty bır maqsatqa jūmyldyrǧan jalpyūlttyq institutqa ainaldy. Älemde mūndai institut bıren-saran desek te bolady. Halyqaralyq sarapşylardyŋ pıkırınşe, būl qūrylym eldıŋ bırlıgın bır arnaǧa ūiyta bılgen kielı şaŋyraq bolyp sanalady. Assambleia statusynyŋ erekşelıgı sol, onyŋ qūramyndaǧy müşelerge Parlament deptutaty boluǧa mümkındık jasalǧan.
Assambleia jyly – qatardaǧy köp mereitoilardyŋ bırı emes. Būl mezette asta-tök toi bolmaidy, elımız damuyna serpın beretın naqty ıster saralanyp, onyŋ ıske asuyna jol aşylady. Täuelsızdıgımızge tırek bolǧan Assambleia osynysymen de qūndy, osynysymen de tarihi däuır kezeŋınde airyqşa maŋyzǧa ie bolyp otyr. Öitkenı, küiregen imperiianyŋ yqpalymen bolǧan Qazaqstannyŋ bır ızdılık ekonomikasyn basqa qyrynan oŋtailandyru kün tärtıbınde tūrdy. Oǧan qosa şekara syzyǧyn aiqyndap bekıtıp, memlekettılıktı nyǧaityp, eşkımge ūqsamaityn Qazaqstan jolyn saluǧa bır kısıdei atsalysu qajet boldy. Mūndai auqymdy mındetterdı ıske asyrudyŋ alǧaşqy künınde Memleket basşysy Nūrsūltan Nazarbaev 1995 jyly Qazaqstan halqy assambleiasyn qūru turaly Jarlyqqa qol qoidy. Sonyŋ ızın ala bırneşe aptadan keiın ötkızılgen Qazaqstan halqy assambleiasynyŋ bırınşı sessiiasynda Elbasy söz söilep, eldıŋ aituly tarihi kezeŋge qadam basqanyn mälımdedı: «Men elımnıŋ Prezidentı retınde qoǧamdyq tūraqtylyqty jäne ūltaralyq kelısımdı qamtamasyz etudı özımnıŋ basty mındetım dep sanaimyn. Bırlık aspannan özı kelıp tüspeidı, tek qarqyndy jūmys arqyly ǧana keledı. Men keŋ baitaq jerımızde tatulyq pen tynyştyq bolǧanyn tıleimın. Mūnyŋ, eŋ aldymen, milliondaǧan qazaqstandyq otbasyna kerek ekenın eske alamyn» degen-dı.
Uaqyt öte kele jaŋa däuırdıŋ syndarly kezeŋınde Memleket basşysy Nūrsūltan Nazarbaevtyŋ özı bır kezderı aldyna basty maqsat etıp qoiǧan joǧarydaǧy ıster oryndalyp, jaŋa baǧanaly meken äsem Astana boi köterdı. Osy jerde ırgelı memleketterdıŋ ortaq müddelerı saralanyp, älemdegı beibıtşılık pen tatulyqtyŋ qaǧidasy talqylanyp, elımız märtebesı biıktei tüstı. Ol tarih paraǧyna qattalyp, jazylyp jatyr.
Biyl Qazaq handyǧynyŋ 550 jyldyǧy, Konstitusiianyŋ 20 jyldyǧy jäne Ūly Jeŋıstıŋ 70 jyldyǧy atap ötıledı.Memlekettılıgımızdıŋ qalyptasuy kezeŋındegı handarymyzdyŋ däuırın, sol tūstaǧy jyraular men abyzdardy, biler men batyrlardy bar bolmysymen ūrpaq sanasyna sıŋıru asa maŋyzdy.
Ämırhan Almaǧanbetov, Astana qalasy äkımdıgınıŋ janyndaǧy «Qoǧamdyq kelısım» KMM bas sarapşysy
