«Qazaqstannyŋ äleumettık jaŋǧyrtyluy: Jalpyǧa Ortaq Eŋbek Qoǧamyna qarai 20 qadam» atty Elbasynyŋ baǧdarlamalyq maqalasy elımızdıŋ tükpır-tükpırınde qyzu talqylanuda. Beisenbı künı Astana qalasyndaǧy Almaty audany äkımınıŋ apparatynda ötken jinalys ta däl osy mäselege arnaldy.
Memleket basşysy Nūrsūltan Nazarbaevtyŋ baǧdarlamasyn talqylauǧa arnalǧan otyrysqa Astanadaǧy Qazaq muzyka akademiiasynyŋ rektory Aiman Mūsahojaeva, Ūlttyq ǧylymi medisinalyq ortalyqtyŋ direktory, «Nūr Otan» halyqtyq-demokratiialyq partiiasynyŋ Almaty audandyq filialynyŋ töraǧasy Abai Baigenjin, atalmyş audandaǧy ırı mekemeler men käsıporyndardyŋ basşylary jäne qalalyq mäslihattyŋ deputattary qatysty.
– Bızdıŋ aldymyzda Elbasynyŋ «Qazaqstannyŋ äleumettık jaŋǧyrtyluy: Jalpyǧa Ortaq Eŋbek Qoǧamyna qarai 20 qadam» atty maqalasyn halyqqa jetkızıp, naqty ıske asyru mındetı tūr. Būl baǧdarlama – uaqyt talaby, zamannyŋ özı ūsynǧan beles, – dei kele, audan äkımı Sapar Ahmetov būl baǧdarlamanyŋ bükıl elge serpılıs bergenın, düiım jūrtty bei-jai qaldyrmaǧanyn tılge tiek ettı.
Elbasy aitqandai, qai qoǧamda da eŋbek adamdy alǧa jeteleidı. Qazaq qaşan da eŋbekten bas tartpaǧan. Äsırese, elımız jaŋa beleske köterılıp otyrǧan qazırgıdei şaqta bılıktı mamandarǧa degen qajettılık tuyndap otyrǧany belgılı. Sondyqtan, qol qusyryp qarap otyrmai, «ekı qolǧa bır jūmys» tauyp, bar uaqytyn eŋbekke arnaǧan adamnyŋ ǧana joǧary nätijelerge qol jetkıze alatynyn aitqan audan basşysy jinalǧandardy osynyŋ bärın özderı basqaryp otyrǧan ūjymǧa, audannyŋ ärbır tūrǧynyna jetkızıp, tüsındırudı tapsyrdy. Jinalǧandardy küzgı-köktemgı senbılıkterge belsene qatysumen bırge özgelerge ülgı boluǧa şaqyrdy.
El bolaşaǧynyŋ baǧytyn tüzegen keşendı baǧdarlamalyq tapsyrmalar toptamasy halyqtyŋ äl-auqaty men sapalyq deŋgeiın köterudı közdegen qadam boldy desek, eş qatelespespız. Negızınde, äleumettık qorǧaudan, äleumettık damuǧa jaǧdai jasaityn auqymdy ideia adamdarǧa barynşa maŋyzdy salalardaǧy eŋbek, bılım, densaulyq saqtau, tūrǧyn-üi jäne jastar mäselesın qarastyruǧa baǧyttaldy.
Kezdesu barysynda mınberge şyǧyp, söz söilegen L.Gumilev atyndaǧy Euraziia Ūlttyq universitetı Jastar saiasaty ortalyǧynyŋ töraǧasy Ashat Oralov bızdıŋ elde ärbır qazaqstandyq azamattyŋ baquatty ömır süruı üşın, äsırese jastardyŋ özderı taŋdaǧan mamandyq boiynşa bılım alularyna, oquyn bıtırgennen keiın jūmysqa ornalasuyna, jastar täjıribesınen ötıp, eŋbekpen qamtyluyna, «Diplommen auylǧa» baǧdarlamasyna qatysuyna, kımnıŋ de bolsyn şyn mänınde eŋbek etuıne barlyq jaǧdaidyŋ jasalǧanyn, Elbasy aitqandai, jiyrma bırınşı ǧasyrda tek eŋbek qana adamdardy alǧa jeteleitının jasyrmady. Audan aumaǧyndaǧy tūrǧyndardyŋ 20 myŋy jastar bolsa, onyŋ 12 paiyzyn studentter qūraidy eken. Odan keiın söz alǧan Astana qalasy mäslihatynyŋ deputattary Vasilii Petruşak pen Abai Baigenjin de eŋbek turaly oi-tolǧamdaryn ortaǧa saldy. Qai ıste de jeŋıstıŋ tek eŋbekpen keletının, al densaulyǧymyzdy ärqaisymyz jasymyzdan saqtap, oǧan jauapkerşılıkpen qarau qajettıgın aitqan Abai Qabataiūly keŋes däuırındegı qiyndyqtarǧa toqtaldy. «Özınıŋ jeke basynyŋ densaulyǧyn aldymen adamnyŋ özı oilauy kerek. Eger densaulyqty oilau är otbasynyŋ şaruasy bolsa, onda memleket jüzege asyryp jatqan qadamdar äldeqaida tiımdı şyǧar edı» dedı ol.
Gülbarşyn ÖKEŞQYZY
